Charla na Domus

Hoxe, 23 de abril, ás 19.30 horas, terá lugar na Domus o terceiro evento enmarcado nos foros de debate do proxecto europeo «Sea for Society», que en España lidera o Aquarium Finisterrae.

Dieta carnívora ou saúde dos océanos?
Con este nome dará lugar ao debate que suscita, desde o punto de vista ecolóxico, o uso masivo de fertilizantes químicos nos océanos. Estes representa unha alteración drástica da circulación do nitróxeno na biosfera que se traduce nun incremento da cantidade de nitróxeno que na actualidade circula a través dos ecosistemas da terra. Como consecuencia deste proceso, a cantidade de nitróxeno que entra nos océanos desde os continentes, ben a través dos ríos ou da atmosfera, aumentou en máis dun 100% desde a revolución industrial.

Isto está a ocasionar cambios severos nos ecosistemas mariños, entre os que cabe destacar a proliferación de algas nocivas ou a xeración de «zonas mortas», caracterizadas pola desaparición practicamente total do osíxeno na auga. Ambos fenómenos, que acontecen a escala global, ameazan a integridade ecolóxica de numerosos ecosistemas mariños.

Despois da charla, terá lugar un debate no que desempeñarán un papel esencial os mozos colaboradores, estudantes universitarios seleccionados para participar no proxecto.