Archivo del sitio

XX Edición do Día da Ciencia na Rúa

Parque de Santa Margarida converteuse un ano máis nun gran laboratorio de probas onde os grandes protagonistas foron os nenos. O parque acolleu 43 carpas cheas de talleres, proxectos tecnolóxicos, xogos divulgativos e experimentos prácticos para celebrar o XX Día da Ciencia na Rúa e difundir o saber entre os cidadáns.

Xunto aos colexios, ás decenas de entidades e empresas que participaron activamente, tamén estiveron presentes as Bibliotecas Municipais da Coruña representadas como non, a través do seu Club de Ciencia e Investigación. Os CCI’s formaron parte moi activa unha vez máis da festa da ciencia, que xa está consolidada no calendario da cidade.

Este ano, como novidade, incorporouse á festa un novo personaxe, a mascota do Día da Ciencia na Rúa, un robot que representa a vertente tecnolóxica da festa, de nome Medusa e que por suposto nos veu visitar.

mascota

Os CCI’s foron os grandes anfitrións, amosaron o stand aos visitantes, os libros sobre a luz e as teconoloxías derivadas da luz que levamos como mostra e que os socios podían levar en préstamo, ademáis de formar parte das reseñas das guías de lectura.

 Durante todo o día os CCI´s non pararon de recibir visitantes na jaima das Bibliotecas Municipais, visitantes aos que explicaban, moi entusiasmados, os experimentos cos que traballabamos durante o ano e que reflexaban aspectos prácticos sobre a teoría da luz tales como a reflexión ou a refracción, o disco de Newton, etc.

Na nosa jaima tamén nos acompañaron membros do Grupo Naturalista Hábitat que colaboraron, un ano máis, durante algunha sesión.

Pero tamén houbo tempo para visitar o resto de jaimas nas que os CCI’s puxeron a proba as súas dotes para desenvolver a súa curiosidade, enxeño e destrezas resolvendo as probas que o resto de participantes no Día da Ciencia na Rúa tiñan preparados.

 Foi sen dúbida un día de moito axetreo, no que fóra das aulas, a ciencia mostrou con entusiasmo a súa faciana máis divertida. Aínda que baixo a apariencia do xogo houbo experimentación en estado puro, respostas a realidades explicables grazas á curiosidade científica. E ver as caras de entusiasmo e satisfación dos CCI’s resulta do máis gratificante para quen nos toca levar a dirección do programa durante o ano. Este feito é un aliciente máis que aporta máis gañas aínda de poñerse a organizar xa a próxima edición.

Este foi só un pequeno resumo do día grande do Club de Ciencia e Investigación das Bibliotecas Municipais, se queredes ver máis fotos visita a nosa galeria en Flickr.

El pase de diapositivas requiere JavaScript.

E aínda que o programa rematou oficialmente por este ano, queremos seguir en contacto con vós a través do blog contándovos noticias interesantes sobre a ciencia e seguro que adiantándovos algunha que outra novidade para o próximo CCI no que esperamos volver contar con vós. Vaia dende aquí o noso agradecemento aos CCI’s polo seu interese, entusiasmo e participación constante.

20 anos non son nada… e son moito!

Cartel do Día da Ciencia na Rúa 2015Como xa adiantabamos fai pouco, este sábado 9 de maio celébrase o XX aniversario do Día da Ciencia na Rúa  (DCR) na Coruña e as Bibliotecas municipais, de novo, levan o seu Clube de Ciencia e Investigación (CCI) para unirse á festa e demostrar que, como din os obxectivos deste gran día:

  • a Ciencia pode sair á rúa
  • que a Ciencia é de todos
  • que pode ser divertida e fácil de entender
  • e que as rapazas e rapaces teñen moito que dicir e mostrar sobre a Ciencia

E os nosos CCIs teñen, efectivamente, moito que dicir, e aínda máis ganas de mostrar todo o que este ano levan investigando sobre a luz, as tecnoloxías e inventos derivados da luz. Para os que queirades que vos sorprendan, acercarán os seus coñecementos e experimentos e, sobre todo, mostraranvos toda a ilusión que levan posta.

Grupo-Naturalista-Hábitat-300x90Como se fai un espectroscopio, e mesmo un periscopio como o dos submarinos, qué pasa ca luz cando atravesa distintos medios, e que sucede cas ilusións ópticas e o noso cerebro tan só son algunhas das cousas que as rapazas e rapaces do CCI descubriranvos ese día (aínda que xa o fumos adiantando noutras  ocasións) xunto coa a axuda dos nosos colaboradores de do Grupo Naturalista Hábitat.

O DCR celebrarase nun horario ininterrumpido entre as 11 da mañá e as 7 da tarde no Parque de Santa Margarita (e a súa Casa das Ciencias) onde se ubicará o núcleo fundamental das actividades, cun total de 43 jaimas que centros educativos da contorna e outras institucións encherán de experiencias e entretemento. Ao longo da xornada haberá multitude de actividades, obradoiros, exposicións e xogos, que podedes consultar no programa completo.

Logo dos Museos Científicos CoruñesesMuseos científicos coruñeses

Os Museos Científicos Coruñeses únense tamén a esta celebración abrindo as súas portas ao público gratuitamente, de 11 a 19 horas.

  • A Casa das Ciencias ofrecerá, entre outras actividades, unha maratón de sesións de planetario. Os pases serán ás 11, 12, 13, 16, 17 e 18 horas (para asistir hai que retirar as invitacións que se repartirán na recepción media hora antes do seu comezo).
  • Na Domus haberá pases gratuítos de cine 3D, ca película “Titanes da idade de xeo”, ás 12, 13, 17 e 18 horas. Celebrarase tamén o obradoiro “Crea o teu garabateador”, para inventar artiluxios a motor que debuxen os garabatos más inesperados (actividade, de aforo limitado, que se desenvolverá en 2 sesións de 11 a 14h., e de 16 a 19 h.)
  • E o Aquarium ofrece a ocasión de coñecer a nova exposición “Perseguiendo a Mr.Goodfish”, un percorrido en fotografías do proceso que segue o peixe dende o mar ata o noso plato. E, coma sempre, será unha oportunidade para acompañar ás focas das piscinas exteriores nas súas comidas diarias, ás 12 e ás 17 horas.

logo_muncytO MUNCYT pola súa parte aproveitará para celebrar ao mesmo tempo o 40º aniversario do vídeo Betamax e ofrecerá obradoiros de cine na súa carpa ao longo de todo o día.

Xa vedes, todo un día adicado ás Ciencias no que o CCI das Bibliotecas Municipais esperámosvos para disfrutar con todos vós o remate do programa por este ano.

Vémonos!!!

aLUZinante: 6ª sesión do Club de Ciencia e Investigación 2015

A semana pasada tivemos nova sesión do Club de Ciencia e Investigación na Biblioteca Forum e na Biblioteca Infantil respectivamente. Nesta ocasión contamos coa colaboración de Ricardo Ferreiro do Grupo Naturalista Hábitat.Grupo-Naturalista-Hábitat-300x90

 Logo de ter debatido anteriormente sobre a primeira luz do universo, de qué cor era, de ter claro que a primeira luz dependía do espectro de emisión dos elementos presentes… pasamos á  práctica con experiencias sinxelas nas que comprobamos o comportamento da luz e dos nosos sentidos en diferentes circunstancias con elementos da vida diaría.

 Dedicámonos a observar unha serie de principios básicos:

  • Reflexión e refracción da luz en diferentes medios (aire, auga, aceite, fume)
  • Efecto Tyndall: o fenómeno que axuda a determinar se unha mestura homoxénea é realmente unha disolución ou un sistema coloidal, coma suspensións ou emulsións, por medio da dispersión da luz.
  • Espectro da luz (visible e non visible)
  • Descomposición e recomposición da luz blanca
  • Ilusións ópticas

 

Comportamentos e principios básicos e moi prácticos que fixemos utilizando unha serie de materiais que calquera pode ter á man na casa:  

  • Disco CD
  • Recipientes de vidrio plano
  • Frascos de vidrio
  • Prisma
  • Punteiro laser
  • Mechero e Incienso (para crear fume dentro dun frasco)
  • Agua, Aceite, Leite
  • Perlas de hidroxel transparentes
  • Mando a distancia
  • Cámara de video (teléfono móvil)

 Na galería fotográfica do noso flickr podedes ver como foi a sesión e o Día da Ciencia na Rúa daremos boa conta destes, e máis experimentos que nos quedan por facer, a todo aquel que se achegue á nosa Jaima.

 

Biotecnología para grupos escolares en la Domus

Ya podéis empezar a dar la vara a vuestro/a profe de ciencias para que os programe una visita extraescolar a la Domus. El plazo de inscripción para que participeis, con vuestra clase, en el  nuevo espacio de experimentación de la casa del hombre se abrió en estos días con el nombre del científico que hará los experimentos, tú.

Este «Laboratorio abierto» se inaugura con dos talleres sobre biotecnología, enmarcados dentro del proyecto Xplore Health y destinados a escolares de 14 a 18 años.

TALLER 1
¿Cómo se desarrollan los fármacos? 
Participa en la síntesis de una molécula que será parte de un nuevo fármaco que se está investigando para el Parkinson. Los lunes y viernes a las 10:30 y a las 15:00 horas. A partir del 3 de diciembre de 2012.

TALLER 2
La revolución biotecnológica 
Transfórmate en biotecnólogo, realiza una transformación bacteriana, y participa en la búsqueda de una diana para el tratamiento contra la aterosclerosis. Los martes y jueves a las 10:30 y a las 15:00 horas. A partir del 11 de enero de 2013.

TALLER 3
Investiga la vacuna de la malaria
Analiza y experimenta con diferentes candidatos a vacuna contra la malaria, para identificar cuál es el mejor de ellos. Los miércoles a las 10:30 y a las 15:00 horas. A partir del 6 de febrero de 2013.

Pensamento, creatividade, ciencia e innovación!

A estas alturas xa todos sabemos o afán científico dos CCIs, as ganas de coñecemento, de aprendizaxe que teñen, pero… ata onde chegan esa ganas?

Se queredes ir máis aló, poñer a proba o voso cerebro e saber se pensades de forma creativa, esto é o voso! ¡Eureka! Ciencia y Creatividad é unha exposición da Domus, en busca do espírito creativo que levamos dentro.

Exposición Eureka! Ciencia y Creatividad

Na Ciencia (non só nas Artes) podemos atopar unha morea de inventos e descubrimentos gracias ás ideas creativas e diferentes dos científicos. Esa creatividade, xunto co traballo (ás veces duro e longo) fai posible que xurdan xenios! Atoparemos algún dentro dos nosos CCIs???

Nesta época de descanso non podemos deixar que as nosas mentes se enferruxen! Imaxinade, tede Ideas, Inspirádevos, Investigade e Innovemos, como nos propoñen dende a Domus, porque agora tócavos a vós!!!

XVII Día da Ciencia na Rúa

Esta semana, na vosa biblioteca preferida, poderedes vislumbrar, palpar, divertirvos e xogar cos experimentos que imos levar ao evento científico máis importante de nosa cidade, o Día da Ciencia na Rúa. Estes experimentos porán en xaque o mundo científico en xeral e aos Museos Científicos Coruñeses en particular, xa que poremos de manifesto o por que da orixe e a morte dos dinosaurios; así como o descubrimento dunha infinidade de novos críptidos por parte do noso axente epecial o Profesor Revillord.

CCI´s vémonos o día 18 no ágora, o 19 no Forum e o 21 na Infantil; cidadáns de A Coruña vémonos o día 5 de Maio no parque de Santa Margarita. Mundo enteiro, vémonos.

MOVILAB, MOVILAB, MOVILAB TE QUIERO

Mañá xoves día 5 en CCI, visitaremos o Movilab. Un laboratorio móvil instalado nos Xardíns de Méndez Nuñez, onde poderedes realizar diferentes obradoiros científicos interactivos relacionados coa química, a física e a bioloxía. Un excelente aperitivo antes de asistir ao tan ansiado “Día da ciencia na rúa“.