Archivo de la categoría: Bibliotecas Municipais da Coruña

Actividad en la biblioteca Forum: Quiero ser Astronauta

La Astronomía está más cerca de nosotros de lo que imaginamos, por eso, en la biblioteca Forum Metropolitano hemos realizado una muestra con los mejores los libros, cómics y pelis, tanto de ciencia ficción como de divulgación, que tratan el tema. Unido a esto hemos hecho una serie de actividades para todos los públicos… Y esta es la que recomendamos para todos los CCI´s.

En el taller ¡Quiero ser un astronauta! nos aproximaremos al mundo de la astronáutica mediante experiencias físicas, dificultades y requisitos que debemos cumplir para convertirnos en un astronauta. Tras una breve introducción sobre la historia de la astronáutica, conoceremos los procesos de selección a los que debemos someternos para convertirnos en un astronauta.

Una vez superadas las duras pruebas físicas, iniciaremos un entrenamiento que nos permitirá, por ejemplo, intentar controlar un brazo robótico, o a comprobar la dificultad de pilotar una nave espacial para que el transbordador pueda regresar al planeta Tierra.

Una vez pasado el proceso formativo de un aspirante a astronauta, y superado el proceso de entrenamiento finalizaremos la actividad como comandantes de la nave.

Por último, tras probar la comida de los astronautas, descubriremos la importancia de viajar al espacio para mejorar nuestra vida cotidiana, y descubriremos que usamos hoy gracias a las investigaciones llevadas a cabo en el espacio.

Quieres ser un Astronauta??. Inscríbete.

A Ciencia na cidade non para!

Como non queremos que nos botedes de menos, e moito menos ás cousas relacionadas cas ciencias, aquí vos deixamos un lote de actividades que dende esta fin de semana podemos aproveitar na Coruña. Sen dúbida todas elas boas ideas para aproveitar, que os días se volven máis largos (as noites máis curtas) e que o tempo nos acompaña para disfrutalas!

Día Internacional dos Museos 2015 na Coruña

 

  • DÍA DOS MUSEOS. O luns 18 é o Día Internacional dos Museos, e os tres Museos Científicos Coruñeses @mc2coruna son gratuítos!!! Tedes todo a programación á vosa disposición.

  • Con motivo desta mesma celebración o MUNCYT invítanos a (re)descubrir os seus contidos cunhas visitas teatralizadas, da man de investigadores e innovadores españois do século XX, este sábado 16 de maio ás 20:00, 21:00 e 22:00h.

    É preciso reserva previa no 900 100 134.

Na axenda de maio do MUNCYT podedes consultar o resto de actividades que se desenvolverán.

  • Para aos que lles gusten as matemáticas, este ano a IX FEIRA MATEMÁTICA celébrase tamén o sábado 16 de maio no Hall de Proa de PALEXCO, dende as 11h. ata as 19h. e a súa temática estará centrada nos xogos.

IX Feira Matemática na Coruña

Unha xornada para disfrutar das matemáticas de forma divertida, lúdica e na que nenos e non tan nenos poderán desfacer os miolos para resolver diversos problemas matemáticos. Se vos gustan os retos este é  voso sitio!

  • No Museo de Arte Contemporánea (MACUF), tamén o sábado 16, de 17.30 a 22.00 h., a proposta céntrase na “Arte en termos de sostenibilidade“, un caderno de bitácora artística onde os visitantes poderán expresar o seu talento en papel reciclado, lapis ecolóxicos e outros materiais similares.
  • E non queremos perder a oportunidade de falar doutra proposta do MACUF, xa que temos a oportunidade de coñecer a obra de Jaime Serra, un dos máis recoñecidos xornalistas infográficos a nivel mundial, que ca mostra “Diez historias y un paisaje” presenta historias cotiás a partires da representación de datos subxectivos, pensamentos e emocións, unha provisión de información a través de imaxes, sexan estas fotografías, debuxos, diagramas, esquemas ou mapas. Todo un luxo para a nosa mente.
    Exposición de Jaime Serra no MACUF
    Exposición de Jaime Serra no MACUF
  • Pola súa banda, o CEIDA celebra os días luns 18 e martes 19 de maio as xornadas Congreso Mundial de Parques: a promesa de Sydney e os retos para as áreas protexidas en España, na que presentará as cuestións máis relevantes presentadas no Congreso Mundial “Os Parques, a Xente e o Planeta: Inspirando Solucións”. Para asistir só tedes que inscribirvos mediante formulario.

CEIDA - Centro de Divulgación Ambiental de Galicia

As xornadas inclúen unha visita a diferentes espazos naturais e culturais dentro da Reserva da Biosfera Mariñas Coruñesas e Terras do Mandeo. A visita terá lugar o 17 de maio.

Cartaz do Día das Letras Galegas nas bibliotecas Municipais da Coruña

Recordade, estas tan só son algunhas das propostas para estes próximos días, pero nas Bibliotecas Municipais da Coruña tamén celebraremos o Día das Letras Galegas, porque a nosa lingua o merece máis ca nunca.

E como sabemos que a vós tamén vos apetece celebralo, mostrámosvos varios dos camiños para facelo:

– A través do Twitter, co hastag @m8mepresta. Para completalo escolle a túa mensaxe, posa no Photocall que hoxe estará na Biblioteca Ágora todo o día e compárteo!

– Engadindo as vosas obras preferidas en galego, ás xa seleccionadas polas Bibliotecas, na wiki que ano tras ano vaise nutrindo do mellor da nosa literatura.

Cartaz dos mellores da nosa lingua

XX Edición do Día da Ciencia na Rúa

Parque de Santa Margarida converteuse un ano máis nun gran laboratorio de probas onde os grandes protagonistas foron os nenos. O parque acolleu 43 carpas cheas de talleres, proxectos tecnolóxicos, xogos divulgativos e experimentos prácticos para celebrar o XX Día da Ciencia na Rúa e difundir o saber entre os cidadáns.

Xunto aos colexios, ás decenas de entidades e empresas que participaron activamente, tamén estiveron presentes as Bibliotecas Municipais da Coruña representadas como non, a través do seu Club de Ciencia e Investigación. Os CCI’s formaron parte moi activa unha vez máis da festa da ciencia, que xa está consolidada no calendario da cidade.

Este ano, como novidade, incorporouse á festa un novo personaxe, a mascota do Día da Ciencia na Rúa, un robot que representa a vertente tecnolóxica da festa, de nome Medusa e que por suposto nos veu visitar.

mascota

Os CCI’s foron os grandes anfitrións, amosaron o stand aos visitantes, os libros sobre a luz e as teconoloxías derivadas da luz que levamos como mostra e que os socios podían levar en préstamo, ademáis de formar parte das reseñas das guías de lectura.

 Durante todo o día os CCI´s non pararon de recibir visitantes na jaima das Bibliotecas Municipais, visitantes aos que explicaban, moi entusiasmados, os experimentos cos que traballabamos durante o ano e que reflexaban aspectos prácticos sobre a teoría da luz tales como a reflexión ou a refracción, o disco de Newton, etc.

Na nosa jaima tamén nos acompañaron membros do Grupo Naturalista Hábitat que colaboraron, un ano máis, durante algunha sesión.

Pero tamén houbo tempo para visitar o resto de jaimas nas que os CCI’s puxeron a proba as súas dotes para desenvolver a súa curiosidade, enxeño e destrezas resolvendo as probas que o resto de participantes no Día da Ciencia na Rúa tiñan preparados.

 Foi sen dúbida un día de moito axetreo, no que fóra das aulas, a ciencia mostrou con entusiasmo a súa faciana máis divertida. Aínda que baixo a apariencia do xogo houbo experimentación en estado puro, respostas a realidades explicables grazas á curiosidade científica. E ver as caras de entusiasmo e satisfación dos CCI’s resulta do máis gratificante para quen nos toca levar a dirección do programa durante o ano. Este feito é un aliciente máis que aporta máis gañas aínda de poñerse a organizar xa a próxima edición.

Este foi só un pequeno resumo do día grande do Club de Ciencia e Investigación das Bibliotecas Municipais, se queredes ver máis fotos visita a nosa galeria en Flickr.

El pase de diapositivas requiere JavaScript.

E aínda que o programa rematou oficialmente por este ano, queremos seguir en contacto con vós a través do blog contándovos noticias interesantes sobre a ciencia e seguro que adiantándovos algunha que outra novidade para o próximo CCI no que esperamos volver contar con vós. Vaia dende aquí o noso agradecemento aos CCI’s polo seu interese, entusiasmo e participación constante.

reLÚZete: 9ª sesión do CCI

cartel_2015-01-01Xa queda pouco, estamos coa conta atrás para o noso día grande o Día da Ciencia na Rúa (DCR) o próximo sábado 9 de maio. Os nervos xa afloran e queremos que todo saia perfecto, por eso cada sesión é importante e os CCIs traballan arreo elaborando contidos.

Seguro que sabedes que dende as Bibliotecas Municipais da Coruña, e por medio do noso Club de Ciencia e Investigación (CCI), achegamos sempre unha selección de libros que podedes atopar nas nosas bibliotecas e que teñen que ver coa temática tratada durante todo o ano nas sesións do CCI. Este ano non imos ser menos e ese día presentaremos a guía de lectura, pero haberá unha sorpresa, imaxinades cal?? Pois xa volo adiantamos agora: os CCIs tamén elaboraron a súa propia guia de lectura, si sí ledes ben, unha guía formada por material elaborado íntegramente polos rapaces e rapazas que formaron parte do Club de Ciencia e Investigación este ano.

 O que ides atopar na guía son reseñas de libros seleccionados por eles mesmos feitas do seu puño e letra e ilustradas con imaxes captadas coas súas cámaras e aparellos móbiles. Os CCIs o que pretenden con esta selección, ademáis de deixar boa constancia do traballo que realizaron durante todo o ano, é transmitirvos as mesmas ansias e entusiasmo coas que eles o fixeron e poidades así ampliar os vosos coñecementos sobre a Historia da LUZ. Na última sesión estiveron ultimando os detalles.

El pase de diapositivas requiere JavaScript.

Aproveitamos a ocasión para deixarvos noticia de varias actividades que vos son de interese e nas que vos animamos a participar:

O V Concurso de Relatos de Inspiración Científica, no que poderes amosar as vosas dotes literarias e como non, relacionalas coa ciencia. Tedes ata o 17 de maio para presentar as vosas propostas e podedes consultar todas as bases do concurso aquí!

Talleres sobre enerxía, electricidade e magnetismo mañá sábado 18 e o domingo 19 de abril no MUNCYT. Mediante xogos e outras actividades os participantes aprenderán divertíndose coa observación e produción de fenómenos eléctricos e magnéticos.

Como vedes hai centos de xeitos de aprender e desfrutar coa ciencia de xeito ameno e divertido e no noso Club de Ciencia damos boa conta delo!!! 😉

Á LUZ do faro: 7ª sesión do CCI 2015

Antes de coller as vacacións de Semana Santa os rapaces e rapazas do CCI  tiveron unha semana chea de sorpresas e contidos no Club de Ciencia e Investigación das Bibliotecas Municipais, e marcharon cos deberes ben feitiños. O  martes e o xoves tivemos as sesións preparatorias nas respectivas bibliotecas Infantil e Forum para poñer todo en marcha para a nosa segunda saída, a visita guiada polo interior da Torre de Hércules.

Para a sesión preparatoraia da saída “Á LUZ do faro”, contamos coa colaboración da nosa compañeira e experta en Faros Marta Rivadulla da Biblioteca de Monte Alto. Con ela fixemos un repaso ben interesante polo mundo dos faros e aprendemos unha chea de curiosidades. Sabiades que ao comezo da navegación o home guiábase polo perfil da costa? Non foi ata que empezou a navegación nocturna cando se fixo necesaria a presencia de referencias lumínicas.

A vida dos fareiros chea de peculiaridades chamou moito á atención dos CCIS, e a algún que outro mesmo lle entraron ganas de convertirse en fareiro. Desfrutar dunha vida tranquila en plena natureza é un plan de por sí máis que apetecible, o que non é tanto é o traballo de noite e que mesmo ás veces  quedaban sen provisións.

De especial interese é o Reglamento do Fareiro:

  • ter entre 21 e 40 anos
  • saber ler e escribir e as 4 regras aritméticas
  • ter boa conduta moral (certificada polo cura)
  • carecer de defectos físicos
  • amosar ante o director e mestres de escola o debido respecto, sumisión e obediencia

 Curiosidades sen dúbida ben interesantes ás que hai que sumar a aparición de grandes inventos que axudaron moito a mellorar a eficacia dos faros como a vávula solar ou a lente de Fresnel (chamada así polo seu inventor)

 E especial referencia fixo a nosa compañeira Marta aos faros en funcionamento na costa galega, dende o Plan Xeral de Alumeado Marítimo no 1847 ata a actualidade.

Tampouco faltaron as referencias a faros míticos coma o de Alexandría (en Exipto), Faro de Cabo de Fornos (en Arxentina), ou o Faro da illa de Skye (en Escocia).

E para rematar fixemos un xogo de pistas no que os CCIS tiveron que adiviñar de que faro se trataba, algo que por suposto, despois de escoitar moi atentos a teoría, superaron con creces.

El pase de diapositivas requiere JavaScript.

Poderiamos seguir contando máis cousas interesantes sobre o mundo dos faros posto que a sesión deu moito de sí, pero non queremos extendernos máis. Só nos queda agradecer unha vez máis a colaboración da nosa compañeira Marta, e se vos apaixona o mundo dos faros e queredes saber máis, recomendámosvos que non deixedes de visitar o seu blog!!

A Hora do Planeta

Hoxe, dende o noso blog, queremos dar voz a un feito que consideramos de vital importancia e que ten moito que ver co tema tratado este ano no noso Clube de Ciencia e Investigación. E é que o sábado 28 de marzo celebraremos de novo A Hora do Planeta (LHP/Earth Hour), é a acción voluntaria máis importante do mundo na loita contra o cambio climático e é promovida por WWF, a Organización Mundial de Conservación.

HoradoPlaneta2

Este acto simbólico axuda a concienciar a toda a sociedade de que o cambio climático é unha realidade da que todos somos partícipes. Búscase a participación das cidades, das corporacións e principalmente das persoas para que apaguen as súas luces non esenciais e aparatos eléctricos prescindibles durante unha hora, A Hora do Planeta, en sinal de compromiso polo coidado do medio.

Este grande evento, iniciouse no 2007 en Sydney, Australia,pero foi medrando e uníronse a el, centos de milleiros de persoas en máis de 7.000 cidades e 163 países e territorios.

Cando e como será a Hora do Planeta 2015?

Apagaremos as luces entre as 20:30 e as 21:30 o próximo sábado 28 de marzo.

Pero sobre todo queremos chamar a atención sobre o feito de que apagar as luces e desconectar aparatos electrónicos que non sexan indispensables durante esa hora será tan só o comezo, pois a Hora do Planeta debe durar sempre.

Todos podemos facer moito polo noso planeta. Debemos empezar por cambiar os nosos hábitos a diario na casa, na biblioteca, no colexio ou a rúa. Reciclar, reducir o uso de electricidade, auga e combustibles, comprar produtos eco amigables, evitar o uso de plásticos, camiñar máis ou usar a bicicleta son unha boa forma de facelo pero existen moitas máis maneiras coas que podemos unirnos para axudar a mellorar o noso planeta.

aLUZinante: 6ª sesión do Club de Ciencia e Investigación 2015

A semana pasada tivemos nova sesión do Club de Ciencia e Investigación na Biblioteca Forum e na Biblioteca Infantil respectivamente. Nesta ocasión contamos coa colaboración de Ricardo Ferreiro do Grupo Naturalista Hábitat.Grupo-Naturalista-Hábitat-300x90

 Logo de ter debatido anteriormente sobre a primeira luz do universo, de qué cor era, de ter claro que a primeira luz dependía do espectro de emisión dos elementos presentes… pasamos á  práctica con experiencias sinxelas nas que comprobamos o comportamento da luz e dos nosos sentidos en diferentes circunstancias con elementos da vida diaría.

 Dedicámonos a observar unha serie de principios básicos:

  • Reflexión e refracción da luz en diferentes medios (aire, auga, aceite, fume)
  • Efecto Tyndall: o fenómeno que axuda a determinar se unha mestura homoxénea é realmente unha disolución ou un sistema coloidal, coma suspensións ou emulsións, por medio da dispersión da luz.
  • Espectro da luz (visible e non visible)
  • Descomposición e recomposición da luz blanca
  • Ilusións ópticas

 

Comportamentos e principios básicos e moi prácticos que fixemos utilizando unha serie de materiais que calquera pode ter á man na casa:  

  • Disco CD
  • Recipientes de vidrio plano
  • Frascos de vidrio
  • Prisma
  • Punteiro laser
  • Mechero e Incienso (para crear fume dentro dun frasco)
  • Agua, Aceite, Leite
  • Perlas de hidroxel transparentes
  • Mando a distancia
  • Cámara de video (teléfono móvil)

 Na galería fotográfica do noso flickr podedes ver como foi a sesión e o Día da Ciencia na Rúa daremos boa conta destes, e máis experimentos que nos quedan por facer, a todo aquel que se achegue á nosa Jaima.

 

A trasLUZ: 5ª sesión do CCI 2015

Algunha vez preguntácheste cando brillou a luz por primeira vez no Universo? Case todos observamos algunha vez a saída do Sol pola mañá, o comezo dun novo día. Os astrónomos dan un paso máis e buscan as primeiras fontes de luz do Universo, observando a súa historia a través de potentes telescopios. A súa última aspiración é aínda máis ambiciosa: rastrexar toda a historia do Universo; dende o seu inicio, o Big Bang, ata o presente, case 14.000 millóns de anos despois.

A teoría ou hipótese do Big Bang (Grande Explosión) para explicar a orixe do universo, é a máis aceptada pola sociedade científica na actualidade. E precisamente disto, da orixe da Luz no Universo, do Big Bang, do Telescopio espacial Hubble (que orbita no exterior da atmosfera, en órbita circular arredor da Terra a 593 km sobre o nivel do mar, cun período orbital entre 96 e 97 min) e da Teoría da optica de Newton falamos na pasada sesión do CCI.

E logo da teoría pasamos á práctica. O traballo en equipo vai ser unha constante ao longo das vindeiras sesións:

  • Equipo blog (transmitirá a información a través do blog)
  • Equipo info (encargarase da redacción dos contidos)
  • Equipo imaxe (reflexará os contidos e o desenrolo das sesións a través de imaxes)

Deste xeito teremos todo ben recopiladiño sen que se nos escape nada para amosar no noso día grande o Día da Ciencia na Rúa (DCR) o sábado 9 de maio.

 

El pase de diapositivas requiere JavaScript.

Así que eu de vós non perdería detalle das ferramentas de traballo dos CCI’S porque van ir publicando cousas ben interesantes:
Blog de traballo da Biblioteca Infantilhttps://ccibiblioinfantil.wordpress.com/

Blog de traballo da Biblioteca Forum: https://ccibiblioforum.wordpress.com/

Pinterest: https://www.pinterest.com/ccibibcoruna/

LUZ, cámara e aCCIón I

Esta semana pasada foi ben intensa e chea de contidos para os rapaces e rapazas do noso Clube de Ciencia e Investigación. O  martes e o xoves tivemos as sesións preparatoria nas respectivas bibliotecas Infantil e Forum para poñer todo en marcha para a nosa primeira saída.

cci 008 DSC_0076

Navegamos pola páxina do MUNCYT pescudando todos os pequenos detalles:

  • Visita ao museo
  • Colección
  • Exposicións
  • Actividades
  • Investigación

Os CCIS entenderon que a misión do MUNCYT é a promoción do coñecemento e a cultura científica. Que o museo actúa como referente social e punto de encontro en materia científica e tecnolóxica desde a consideración de que cada cidadán ten un papel importante que desempeñar en ciencia e tecnoloxía. Así como que ten uns obxectivos principais moi claros:

  • Contribuír á educación científica efectiva e de calidade
  • Conservar e poñer en valor o patrimonio histórico científico e tecnolóxico
  • Ser escaparate da ciencia e a tecnoloxía españolas

Un traballo de investigación e pescuda de información que logo reflexaron nos seus blogs de traballo. A elaboración e publicación de post no Blog de traballo da biblioteca Infantil e no Blog de traballo da biblioteca Forum empeza xa a ser unha constante que os CCIS dominan bastante ben, de xeito case autónomo algo que nos marcabamos como obxectivo e que comeza a cumplirse.

 Despois do traballo de investigación chegou a tan ansiada visita. Guiados por un técnico divulgador descubrimos as  distintas propiedades da luz e as súas aplicacións tecnolóxicas mediante o manexo e fabricación de distintos aparellos e equipos lumínicos.

entroido 036 entroido 051

Coñecemos os simpáticos robots Pepexán e Marilú e as 13 xoias da colección do museo. Instrumentos dos séculos XVI a XIX. Soubemos da linterna da Torre de Hércules, o primeiro ordenador, o primeiro acelerador de partículas, a locomóvil. E especial ilusion fixo visitar a sala Iberia: A turbina, a á, as caixas negras e máis elementos do avión máis emblemático da aeronáutica, con visita á cabina do Jumbo Lope de Vega.

Rematamos a visita cun obradoiro de elaboracion de discos de Newton. Un dispositivo inventado por Isaac Newton, consistente nun círculo con sectores pintados en cores vermello, laranxa, amarelo, verde, azul, añil e violeta. Ao virar rápidamente, as cores combínanse formando a cor branca. Con este dispositivo demóstrase que a luz branca está formada polos sete colores do arco da vella, e que a cor negra é a ausencia de todas as cores.

entroido 114Deixamosvos o enlace á nosa galería fotográfica en flickr para que vexades como foi o resto da sesión e a visita.

LÚZete: 2ª sesión do CCI 2015

A pasada semana tivemos unha nova sesión do Club de Ciencia e Investigación (CCI) das Bibliotecas Municipais. Desta volta demos boa conta do uso e manexo de varias ferramentas tecnolóxicas.

Porque non queremos que os nosos investigadores e investigadoras perdan detalle de todo o que acontece durante as sesión. Queremos que estean a última de calquera novidade que se publique acerca do noso tema de investigación: a Luz e as enerxías derivadas da Luz.

 

Coñecemos e presentamos Pinterest unha nova rede social que está moi en auxe. Pinterest é a unión de dúas palabras, Pin máis Interest, que viría a traducirse como enganchar intereses, a gran diferenza desta rede social, é que é practicamente 100% visual.

Os investigadores e investigadoras utilizarán o Pinterest como ferramenta de visualización do CCI de cara a presentalo no dia grande o Dia da Ciencia na Rua (DCR).

 De xeito especial traballamos co Blog. O Blog oficial do programa, dende o que aquí escribimos será o noso principal medio de comunicación durante os días que non teñamos sesión: nel poderase consultar o calendario das sesións de todo o curso, repasar o que aprenderon en sesións anteriores cos post de resumo que imos subindo e descubrir noticias interesantes que vaiamos atopando e compartindo con eles relacionados coa luz.

 

O Blog de Traballo , da Biblioteca Infantil e da Biblioteca Forum é o sitio no que os pequenos investigadores e investigadoras poderán practicar: escribir os seus propios artigos e facer comentarios ás achegas dos seus compañeiros.

Para iso, recalcamos unhas nocións básicas, coas que aprenderon a:

  • Entrar no blog co seu usuario e contrasinal.
  • Crear unha nova entrada (distinguir entre o título e o corpo do post)
  • Engadir ao post imaxes, videos e hipervínculos
  • A importancia das categorías e as etiquetas

E logo da teoría pasamos á práctica. Axudados do material e dos libros que conforman  mostra permanente así coma da propia busca en internet e no Opac das bibliotecas os CCIS comezaron as súas primeiras pesquisas e investigacións sobre a materia. Os CCIS xa foron quen de publicar os seus primeiros traballos sobre a LUZ, as enerxías derivadas da Luz asi coma de posibles experimentos no seu propio blog de traballo. Isto só foi o comezo, de seguro que as súas publicacións darán moito que falar.

Animamosvos a que sigades os seus blogs de traballo e esteades atentos ao que se vai publicar!!