Archivo del sitio

A Ciencia na cidade non para!

Como non queremos que nos botedes de menos, e moito menos ás cousas relacionadas cas ciencias, aquí vos deixamos un lote de actividades que dende esta fin de semana podemos aproveitar na Coruña. Sen dúbida todas elas boas ideas para aproveitar, que os días se volven máis largos (as noites máis curtas) e que o tempo nos acompaña para disfrutalas!

Día Internacional dos Museos 2015 na Coruña

 

  • DÍA DOS MUSEOS. O luns 18 é o Día Internacional dos Museos, e os tres Museos Científicos Coruñeses @mc2coruna son gratuítos!!! Tedes todo a programación á vosa disposición.

  • Con motivo desta mesma celebración o MUNCYT invítanos a (re)descubrir os seus contidos cunhas visitas teatralizadas, da man de investigadores e innovadores españois do século XX, este sábado 16 de maio ás 20:00, 21:00 e 22:00h.

    É preciso reserva previa no 900 100 134.

Na axenda de maio do MUNCYT podedes consultar o resto de actividades que se desenvolverán.

  • Para aos que lles gusten as matemáticas, este ano a IX FEIRA MATEMÁTICA celébrase tamén o sábado 16 de maio no Hall de Proa de PALEXCO, dende as 11h. ata as 19h. e a súa temática estará centrada nos xogos.

IX Feira Matemática na Coruña

Unha xornada para disfrutar das matemáticas de forma divertida, lúdica e na que nenos e non tan nenos poderán desfacer os miolos para resolver diversos problemas matemáticos. Se vos gustan os retos este é  voso sitio!

  • No Museo de Arte Contemporánea (MACUF), tamén o sábado 16, de 17.30 a 22.00 h., a proposta céntrase na “Arte en termos de sostenibilidade“, un caderno de bitácora artística onde os visitantes poderán expresar o seu talento en papel reciclado, lapis ecolóxicos e outros materiais similares.
  • E non queremos perder a oportunidade de falar doutra proposta do MACUF, xa que temos a oportunidade de coñecer a obra de Jaime Serra, un dos máis recoñecidos xornalistas infográficos a nivel mundial, que ca mostra “Diez historias y un paisaje” presenta historias cotiás a partires da representación de datos subxectivos, pensamentos e emocións, unha provisión de información a través de imaxes, sexan estas fotografías, debuxos, diagramas, esquemas ou mapas. Todo un luxo para a nosa mente.
    Exposición de Jaime Serra no MACUF
    Exposición de Jaime Serra no MACUF
  • Pola súa banda, o CEIDA celebra os días luns 18 e martes 19 de maio as xornadas Congreso Mundial de Parques: a promesa de Sydney e os retos para as áreas protexidas en España, na que presentará as cuestións máis relevantes presentadas no Congreso Mundial “Os Parques, a Xente e o Planeta: Inspirando Solucións”. Para asistir só tedes que inscribirvos mediante formulario.

CEIDA - Centro de Divulgación Ambiental de Galicia

As xornadas inclúen unha visita a diferentes espazos naturais e culturais dentro da Reserva da Biosfera Mariñas Coruñesas e Terras do Mandeo. A visita terá lugar o 17 de maio.

Cartaz do Día das Letras Galegas nas bibliotecas Municipais da Coruña

Recordade, estas tan só son algunhas das propostas para estes próximos días, pero nas Bibliotecas Municipais da Coruña tamén celebraremos o Día das Letras Galegas, porque a nosa lingua o merece máis ca nunca.

E como sabemos que a vós tamén vos apetece celebralo, mostrámosvos varios dos camiños para facelo:

– A través do Twitter, co hastag @m8mepresta. Para completalo escolle a túa mensaxe, posa no Photocall que hoxe estará na Biblioteca Ágora todo o día e compárteo!

– Engadindo as vosas obras preferidas en galego, ás xa seleccionadas polas Bibliotecas, na wiki que ano tras ano vaise nutrindo do mellor da nosa literatura.

Cartaz dos mellores da nosa lingua

A Ciencia está de moda

Imaxe xenérica que ilustra a CienciaQue a Ciencia está de moda é algo que algunhas persoas xa viñamos ulindo dende fai tempo. Segundo o seu sentido máis amplo, a Ciencia é calquera coñecemento organizado, e dende o CCI queremos facervos partícipes das moitas e variadas actividades e experiencias que xiran arredor das ciencias na Coruña.

Escollede qué vos atrae máis á hora de coñecer o mundo que nos rodea, que vos interesa descubrir, e deixade que a curiosidade vos leve!

NA CORUÑA

As estrelas e Galileo. Comezamos ca máis inmediata e gratuíta, hoxe venres 13 de marzo, no Salón de actos do Centro da UNED da Coruña (Pza. da Tolerancia).

Esta actividade consta de dúas partes:

1. 19:45-20:45 h. Conferencia de Borja González Tosar: “La Charla que le gustaría que le dieran a Galileo”, sobre os avances da Ciencia dende a época de Galileo ata a actualidade e a súa relación ca Astronomía.

2. 21:00 h. Observación astronómica guiada, na que se observarán as estrelas e o ceo do mes de marzo, mes da primavera. A observación farase na Praza da Tolerancia.

 

Logo dos Museos Científicos CoruñesesQueremos destacar tamén os Museos Científicos Coruñeses, cos que compartimos a filosofía de que “Sen ciencia non hay cultura”, e propoñervos algunha das súas actividades (na súa Axenda podedes ver tódalas actividades que ofertan):

  • No Planetario dixital da Casa das Ciencias pódese explorar o Sistema solar español tódolos sábados, domingos e festivos ás 13:00 e ás 18:00 h. É un programa que fai unha viaxe pola atmósfera de Venus, os tubos volcánicos de Marte e algúns cometas e asteroides do Sistema Solar.
  • A mostra El cielo paso a paso da Casa das Ciencias é unha exposición de seis time-lapses sobre diversos fenómenos relacionados co firmamento, dende os movementos das estrelas, planetas e satélites ata o paso das nubes ou a subida e baixa das mareas, obtidas polos astrofotógrafos Oscar Blanco, Alfredo Madrigal, Angel R. Arós e Pablo Canedo.
Imaxe da Mostra El cielo paso a paso na Casa das Ciencias

Mostra El cielo paso a paso na Casa das Ciencias

  • Xogo de neuronas é a exposición que a Domus destina á intelixencia humana, na que se exploran a anatomía e o funcionamento do cerebro a través de 13 módulos interactivos, que percorren cada unha das 8 intelixencias descritas polo sicólogo Howard Gardner, premio Príncipe de Asturias no 2011.
Imaxe do Xogo de neuronas na Domus da Coruña

Xogo de neuronas na Domus

  • Zona-i do Aquarium Finisterráne. O Aquarium conta cun espacio de reflexión sobre a información científica, a Zona-i, na que se invita a interpretar, imaxinar e mesmo adentrarse no desconocido a través de xogos, algo que sempre cremos que é moi necesario para que o noso cerebro non se aletargue.
  • No Museo de Arte Contemporáneo atopamos Y la luz se hizo (Et facta est lux), unha exposición de varios artistas na que a luz, os seus efectos e todo o xogo de texturas e formas que esta produce son os seus protagonistas.
Peza de Duvier del Dago na exposición Y la luz se hizo

Peza de Duvier del Dago na exposición Y la luz se hizo

 

E con todo isto, a poñer de moda a Ciencia!!!

Debuxando debuxando… seguimos observando

Ó longo do CCI deste ano decatámonos, entre outras moitas cousas, de que o que máis e o que menos ten unha vea artística importante.

Temos CCIs ós que lles gusta escribir e contar experiencias, ós que lles gusta rebuscar na información curiosidades varias, ós que se volven tolos pola fotografía e, como non, ós que o debuxo saca o mellor deles.

Todos, e digo todos, poderán disfrutar este sábado da aCCIón conxunta que as Bibliotecas Municipais lles temos preparada da man dos integrantes do Grupo Naturalista Hábitat nos arredores da Torre de Hércules. Para iso, só temos que recordar, que é necesario que leve un naturalista cando sae a explorar?

Calzado e roupa cómoda, entre o que non podemos olvidar unha gorra.

Auga e algo de comida, por se apreta a fame nalgún momento (bocadillo, galletas, fruta… o que cada un queira).

Caderno de campo con lápis, bolígrafo ou cores. Moi importante, para deixar probas de todo o atopado ese día.

Cámara de fotos (vale tamén a cámara do móvil) sempre que se poida.

Prismáticos e lupa, no caso de ter na casa, que non fai falla mercalos!

Recordade que o máis importante é pasalo ben, aprender moito e seguir descubrindo os arredores e toda a súa biodiversidade, tan rica coma sorprendente.

E para os que o sábado se queden con ganas de desenvolver a súa vena artística na natureza, o CEIDA ofrece o domingo 11 de maio no Castelo de Santa Cruz un obradoiro de técnicas básicas de debuxo da natureza que de seguro será espectacular.

Cartel do Obradoiro de debuxo da natureza 2014 no CEIDA

Xa sabedes, a disfrutar tódolos días un pouquechiño da beleza do que nos rodea!

 

Día do libro: photocall, quedada lectora e outras

Boas CCI´s! Xa estaredes ao tanto de todas as actividades que desde as Bibliotecas Municipais estamos organizando para celebrar por todo o alto o DÍA DO LIBRO.

Festa do libro na cidade que le

Festa do libro na cidade que le

Convidámosvos a todos a que collades algún dos libros que seleccionamos para as nosas sesións do Club e que veñades con eles ao Obelisco o martes 23 ás 19h para formar parte da quedada lectora que xa fixemos outros anos e que coa que esperamos conseguir dar a campanada total.

Despois de ler en voz alta durante uns minutos simultaneamente con todos os asistentes, podedes pasarvos polo photocall que teremos montado e facervos unha divertida foto que despois poderedes descargar da páxina web.

Ou, se vos dá un ataque de timidez (que non cremos que suceda), podedes soltar ao aire algún dos globos con mensaxes que teremos alí preparados.

Tamén temos, xa nas bibliotecas, unha mostra con libros que contan historias ambientadas na Coruña. Se coñecedes algunha que non apareza nesta wiki anotádea para incluíla!!

 

Semana Santa nos Museos Científicos da Coruña

Aviso a navegantes do CCI con ganas de aproveitar a Semana Santa.

mc2

O tres Museos Científicos Coruñeses estarán abertos tódolos días durante toda a Semana Santa (do 23 ao 31 de marzo) cun horario especial. A Casa das Ciencias, a Domus e o Aquarium Finisterrae abren as súas portas ós ollos curiosos e inquedos con distintas experiencias:

Na DOMUS atoparedes a exposición interactiva “Xogo de neuronas”, sobre a intelixencia humana, na que se exploran diversos aspectos da anatomía e funcionamento do cerebro. Propón actividades que pon en práctica as diferentes habilidades das persoas, como tentar reproducir nun teclado unha melodía, clasificar uns seres extraterrestres, realizar un debuxo seguindo instrucións verbais, ou probar os reflexos e a axilidade nun panel con pulsadores a diferentes alturas que hai que tocar cando se acenden.

Como complemento, cada día a Domus ofrece 4 sesións de Cine 3D.

Na CASA DAS CIENCIAS acábase tamén de estrear o programa de planetario “Enerxía para a vida”, no que se aborda a importancia das enerxías renovables, pero tamén fala dos combustibles fósiles e da enerxía nuclear. As espectaculares animacións a toda cúpula permiten ao público voar sobre os rañaceos de Manhattan, introducirse no interior da cheminea dunha central térmica, viaxar aos confíns da nosa galaxia ou penetrarse nas tripas dun aeroxerador.

Cada día ofrece 4 sesións de Planetario dixital.

No AQUARIUM FINISTERRAE, como xa vos comentamos, temos a recente incorporación de lampreas ao tanque cilíndrico, na sala Maremagnum. Cara a mediados desta semana Santa as lampreas recibirán a compañía dunha pequena poboación de esturións.

O Aquarium inclúe ademais nas súas actividades diarias a alimentación das focas, que comen todos os días ás 11.30 e 17 horas, momento no que se convoca ao público e ofréceselle unha charla divulgativa sobre estes animais; tamén, luns, mércores e venres, ás 12 da mañá, pódese ver como se lles dá para comer ás quenllas da piscina do Nautilus.

E con todo isto, e todo o que se vos ocorra, moi bos días de minivacacións!

Á volta contádenos todo o que fixestes!

Noraboa CCIs!

Benvida e noraboa ós primeiros CCIs do ano!

Despois de ler as vosas preguntas só me queda dicirvos que o listón deste ano comeza alto! Nótase que tedes curiosidade e ganas de investigar, e iso é o que buscamos no CCI e nas Bibliotecas!

Aproveito para presentarvos o «Punto científico» que promove a Asociación Galega de Comunicación de Cultura Científica e Tecnolóxica (AGCCCT) na Domus este venres 22 de febreiro; dirixido ao público xeral, de balde até completar aforo.

Alí poderedes atopar, entre outras cousas, dende as 16.30:

– Cinema 3D

– Sesión de charlas, vídeos, música e teatro de ciencia para toda a familia.

Espero que vos sirva de complemento ó CCI, o disfrutes en familia e, sobre todo, sobre todo, chegue ás vosas neuronas espertas!!!

Punto Científico na Domus - 22 de feb. de 2013 na Coruña

Aventuras no Aquarium

O Aquarium Finisterrae propón un programa especial de actividades de fin de semana chamado “Aventuras no Aquarium, que inclúe experiencias como unha visita á zona técnica ou participar na alimentación das focas. É unha ocasión para aquelas persoas que desexen coñecer a Casa dos Peixes desde outra perspectiva e realizar unha actividade especial da man do persoal especializado do centro.

As “Aventuras” propostas serán as seguintes:

Aventura coas focas. Os asistentes a esta actividade coñecerán os segredos da dieta das focas, prepararanlles a comida e participarán na súa alimentación. Sábados e domingos ás 11 horas a partir do 9 de febreiro. Dirixida a nenos maiores de 7 anos, que deben asistir acompañados dun dos seus pais.

Viaxe ao centro do Aquarium. Unha visita guiada pola zona técnica, que inclúe instalacións como o laboratorio, a cociña, as salas de filtración ou as salas de corentena. Dirixida a persoas maiores de 14 anos, celebrarase sábados e domingos a partir do 16 de marzo, ás 12 horas.

Para participar hai que inscribirse previamente chamando ao teléfono 981 189 842, a partir do 4 de febreiro, e abonar só o prezo de entrada ao Aquarium (excepto titulares de Cartón 20 e membros da Asociación de Amigos da Casa das Ciencias), xa que é unha actividade sen custo adicional.