Archivo de la categoría: Novas

Ciclo A natureza chega ás bibliotecas

O Concello da Coruña, a través de @CorunaSostible, propoñen xuño coma Un mes para pensar na nosa cidade e no noso planeta . Con motivo da celebración do Día Mundial do Medio Ambiente, a Concellería de Medio Ambiente programa un variado paquete de actividadesabertas ao conxunto da cidadanía entre as que se atopa o ciclo A natureza chega ás bibliotecas.

Xuño Mes do Medio Ambiente

Con esta charlas descubrirás unha serie de trucos imprescindibles para achegarte á observación dos seres vivos e aos instrumentos e ferramentas máis útiles para facelo.

Guías de flores, setas, árbores ou algas. Aves, mamíferos, reptiles, insectos ou fauna marina. Tamén te achegaremos á busca e observación de pegadas e rastros animais e ás principais clases de prismáticos, ao uso de telescopios terrestres e lupas binoculares.

Tamén te aconsellaremos para unha correcta elección e compra dos diferentes libros especializados.

Converte en proveitosas as túas saídas ao campo!

.: Descarga o programa completo (pdf)

Pílulas temáticas: app´s, música, literatura, cine, natureza

Durante os meses de marzo, abril e maio os rapaces de 8 a 12 anos poderedes profundizar na música, o cinema, a literatura, a natureza e as app`s a través das pílulas temáticas que terán lugar na biblioteca do Forum e na biblioteca Infantil e Xuvenil.

Nas Pílulas temáticas viaxaremos por diferentes temas, converterémonos en booktubers, sumerxirémonos nas orixes do cinema, comprobaremos por que os  videoxogos e a literatura en moitas ocasións van da man, e mesmo coñeceremos a importancia da natureza que nos rodea.

programa pilulas tematicas para nenos de 8 a 12 anos

Ciencia, natureza, saídas e visitas, encontros con persoas expertas. Apúntate e poderás coñecer, descubrir, experimentar e divertirte. Inscricións abertas a partir das 10.00 na nosa web, o 7 de marzo para as pilulas na Biblioteca Forum e o 8 de marzo para as pilulas na Biblioteca Infantil e Xuvenil

Día das Aves

AVESSabedes que? Que hoxe 5 de outubro  celébrase o Día das Aves, o Concello de A Coruña celébralo con saídas programadas e gratuítas en catro emprazamentos da nosa cidade. Estas saídas, guiadas por ornitólogos expertos, consistirán nun percorrido dunha hora (aproximadamente) en catro zonas na cidade. Nestes percorridos identificaranse as especies de aves vistas no paseo e conversarase cos interesados acerca da problemática da conservación destas especies e do modo de favorecelas.

Animádevos!!!

Se estades interesad@s tedes toda a información neste enlace.

Actividad en la biblioteca Forum: Quiero ser Astronauta

La Astronomía está más cerca de nosotros de lo que imaginamos, por eso, en la biblioteca Forum Metropolitano hemos realizado una muestra con los mejores los libros, cómics y pelis, tanto de ciencia ficción como de divulgación, que tratan el tema. Unido a esto hemos hecho una serie de actividades para todos los públicos… Y esta es la que recomendamos para todos los CCI´s.

En el taller ¡Quiero ser un astronauta! nos aproximaremos al mundo de la astronáutica mediante experiencias físicas, dificultades y requisitos que debemos cumplir para convertirnos en un astronauta. Tras una breve introducción sobre la historia de la astronáutica, conoceremos los procesos de selección a los que debemos someternos para convertirnos en un astronauta.

Una vez superadas las duras pruebas físicas, iniciaremos un entrenamiento que nos permitirá, por ejemplo, intentar controlar un brazo robótico, o a comprobar la dificultad de pilotar una nave espacial para que el transbordador pueda regresar al planeta Tierra.

Una vez pasado el proceso formativo de un aspirante a astronauta, y superado el proceso de entrenamiento finalizaremos la actividad como comandantes de la nave.

Por último, tras probar la comida de los astronautas, descubriremos la importancia de viajar al espacio para mejorar nuestra vida cotidiana, y descubriremos que usamos hoy gracias a las investigaciones llevadas a cabo en el espacio.

Quieres ser un Astronauta??. Inscríbete.

A Ciencia na cidade non para!

Como non queremos que nos botedes de menos, e moito menos ás cousas relacionadas cas ciencias, aquí vos deixamos un lote de actividades que dende esta fin de semana podemos aproveitar na Coruña. Sen dúbida todas elas boas ideas para aproveitar, que os días se volven máis largos (as noites máis curtas) e que o tempo nos acompaña para disfrutalas!

Día Internacional dos Museos 2015 na Coruña

 

  • DÍA DOS MUSEOS. O luns 18 é o Día Internacional dos Museos, e os tres Museos Científicos Coruñeses @mc2coruna son gratuítos!!! Tedes todo a programación á vosa disposición.

  • Con motivo desta mesma celebración o MUNCYT invítanos a (re)descubrir os seus contidos cunhas visitas teatralizadas, da man de investigadores e innovadores españois do século XX, este sábado 16 de maio ás 20:00, 21:00 e 22:00h.

    É preciso reserva previa no 900 100 134.

Na axenda de maio do MUNCYT podedes consultar o resto de actividades que se desenvolverán.

  • Para aos que lles gusten as matemáticas, este ano a IX FEIRA MATEMÁTICA celébrase tamén o sábado 16 de maio no Hall de Proa de PALEXCO, dende as 11h. ata as 19h. e a súa temática estará centrada nos xogos.

IX Feira Matemática na Coruña

Unha xornada para disfrutar das matemáticas de forma divertida, lúdica e na que nenos e non tan nenos poderán desfacer os miolos para resolver diversos problemas matemáticos. Se vos gustan os retos este é  voso sitio!

  • No Museo de Arte Contemporánea (MACUF), tamén o sábado 16, de 17.30 a 22.00 h., a proposta céntrase na “Arte en termos de sostenibilidade“, un caderno de bitácora artística onde os visitantes poderán expresar o seu talento en papel reciclado, lapis ecolóxicos e outros materiais similares.
  • E non queremos perder a oportunidade de falar doutra proposta do MACUF, xa que temos a oportunidade de coñecer a obra de Jaime Serra, un dos máis recoñecidos xornalistas infográficos a nivel mundial, que ca mostra “Diez historias y un paisaje” presenta historias cotiás a partires da representación de datos subxectivos, pensamentos e emocións, unha provisión de información a través de imaxes, sexan estas fotografías, debuxos, diagramas, esquemas ou mapas. Todo un luxo para a nosa mente.
    Exposición de Jaime Serra no MACUF
    Exposición de Jaime Serra no MACUF
  • Pola súa banda, o CEIDA celebra os días luns 18 e martes 19 de maio as xornadas Congreso Mundial de Parques: a promesa de Sydney e os retos para as áreas protexidas en España, na que presentará as cuestións máis relevantes presentadas no Congreso Mundial “Os Parques, a Xente e o Planeta: Inspirando Solucións”. Para asistir só tedes que inscribirvos mediante formulario.

CEIDA - Centro de Divulgación Ambiental de Galicia

As xornadas inclúen unha visita a diferentes espazos naturais e culturais dentro da Reserva da Biosfera Mariñas Coruñesas e Terras do Mandeo. A visita terá lugar o 17 de maio.

Cartaz do Día das Letras Galegas nas bibliotecas Municipais da Coruña

Recordade, estas tan só son algunhas das propostas para estes próximos días, pero nas Bibliotecas Municipais da Coruña tamén celebraremos o Día das Letras Galegas, porque a nosa lingua o merece máis ca nunca.

E como sabemos que a vós tamén vos apetece celebralo, mostrámosvos varios dos camiños para facelo:

– A través do Twitter, co hastag @m8mepresta. Para completalo escolle a túa mensaxe, posa no Photocall que hoxe estará na Biblioteca Ágora todo o día e compárteo!

– Engadindo as vosas obras preferidas en galego, ás xa seleccionadas polas Bibliotecas, na wiki que ano tras ano vaise nutrindo do mellor da nosa literatura.

Cartaz dos mellores da nosa lingua

20 anos non son nada… e son moito!

Cartel do Día da Ciencia na Rúa 2015Como xa adiantabamos fai pouco, este sábado 9 de maio celébrase o XX aniversario do Día da Ciencia na Rúa  (DCR) na Coruña e as Bibliotecas municipais, de novo, levan o seu Clube de Ciencia e Investigación (CCI) para unirse á festa e demostrar que, como din os obxectivos deste gran día:

  • a Ciencia pode sair á rúa
  • que a Ciencia é de todos
  • que pode ser divertida e fácil de entender
  • e que as rapazas e rapaces teñen moito que dicir e mostrar sobre a Ciencia

E os nosos CCIs teñen, efectivamente, moito que dicir, e aínda máis ganas de mostrar todo o que este ano levan investigando sobre a luz, as tecnoloxías e inventos derivados da luz. Para os que queirades que vos sorprendan, acercarán os seus coñecementos e experimentos e, sobre todo, mostraranvos toda a ilusión que levan posta.

Grupo-Naturalista-Hábitat-300x90Como se fai un espectroscopio, e mesmo un periscopio como o dos submarinos, qué pasa ca luz cando atravesa distintos medios, e que sucede cas ilusións ópticas e o noso cerebro tan só son algunhas das cousas que as rapazas e rapaces do CCI descubriranvos ese día (aínda que xa o fumos adiantando noutras  ocasións) xunto coa a axuda dos nosos colaboradores de do Grupo Naturalista Hábitat.

O DCR celebrarase nun horario ininterrumpido entre as 11 da mañá e as 7 da tarde no Parque de Santa Margarita (e a súa Casa das Ciencias) onde se ubicará o núcleo fundamental das actividades, cun total de 43 jaimas que centros educativos da contorna e outras institucións encherán de experiencias e entretemento. Ao longo da xornada haberá multitude de actividades, obradoiros, exposicións e xogos, que podedes consultar no programa completo.

Logo dos Museos Científicos CoruñesesMuseos científicos coruñeses

Os Museos Científicos Coruñeses únense tamén a esta celebración abrindo as súas portas ao público gratuitamente, de 11 a 19 horas.

  • A Casa das Ciencias ofrecerá, entre outras actividades, unha maratón de sesións de planetario. Os pases serán ás 11, 12, 13, 16, 17 e 18 horas (para asistir hai que retirar as invitacións que se repartirán na recepción media hora antes do seu comezo).
  • Na Domus haberá pases gratuítos de cine 3D, ca película “Titanes da idade de xeo”, ás 12, 13, 17 e 18 horas. Celebrarase tamén o obradoiro “Crea o teu garabateador”, para inventar artiluxios a motor que debuxen os garabatos más inesperados (actividade, de aforo limitado, que se desenvolverá en 2 sesións de 11 a 14h., e de 16 a 19 h.)
  • E o Aquarium ofrece a ocasión de coñecer a nova exposición “Perseguiendo a Mr.Goodfish”, un percorrido en fotografías do proceso que segue o peixe dende o mar ata o noso plato. E, coma sempre, será unha oportunidade para acompañar ás focas das piscinas exteriores nas súas comidas diarias, ás 12 e ás 17 horas.

logo_muncytO MUNCYT pola súa parte aproveitará para celebrar ao mesmo tempo o 40º aniversario do vídeo Betamax e ofrecerá obradoiros de cine na súa carpa ao longo de todo o día.

Xa vedes, todo un día adicado ás Ciencias no que o CCI das Bibliotecas Municipais esperámosvos para disfrutar con todos vós o remate do programa por este ano.

Vémonos!!!

Día de la Tierra 2015

Hoxe estamos de celebración, cada ano neste día celebramos o Día da Terra, pero… sabedes porque o celebramos?

Este día é un día celebrado en moitos países. O seu promotor, o senador estadounidense Gaylord Nelson, instaurou este día para crear unha conciencia común aos problemas da superpoboación, a produción de contaminación, a conservación da biodiversidade e outras preocupacións ambientais para protexer a Terra. É un día para render homenaxe ao noso planeta e recoñecer á Terra como o noso fogar e a nosa nai, así como expresárono distintas culturas ao longo da historia, demostrando a interdependencia entre os seus ecosistemas e os seres vivos que a habitamos.

earth-day-2015-5638584300208128.3-hp

Como en todas as celebracións importantes Google crea un Doodle especial e este que vos ensinamos é o deste ano, a maiores crearon un divertido cuestionario para saber que animal somos. Facelo leva menos de dous minutos e é moi divertido, eu en concreto son un mamut lanudo :), e vós??

o

Cuestionario do Día da Terra, ¿QUE ANIMAL ERES?

Cuestionario Día de la Tierra

Como sabedes esta ano o CCI está adicado á Luz e as Tecnoloxías baseadas na Luz. E dende logo que a luz xoga un papel fundamental na nosa vida cotiá. Revolucionou a mediciña ou a maneira de fabricar productos e posibilitiou o desenvolvemento de internet.

Por todos estes avances a nosa Terra pode verse afectada senon a aproveitamos de maneira razonable. Debemos xerar un consumo moderado e responsabilizado, esencial para o futuro desenvolvemento da humanidade.

Entre os obxectivos máis importantes deste ano adicado á Luz están:

Aumentar a cooperación internacional, moi ligado ao que prentedía Gaylord Nelson cando instaurou o Día da Terra (crear unha conciencia común aos problemas da superpobación, a producción de contaminación, a conservación da biodiversidade…).

Promover a importancia da tecnoloxía de iluminación no desenvolvemento sostible e a mellora da calidade de vida nos países en vías de desenvolvemento.

Por todo isto, debemos coidar a nosa Terra e todo o que nos ofrece, luz, auga, alimento…

Día do ADN no MUNCYT

Esta fin de semana (sábado 25 e domingo 26 de abril), o MUNCYT súmase á celebración mundial do Día do ADN (25 de abril) organizando, en colaboración coa Asociación Española de Xenética Humana, diversos obradoiros para ensinar todo o relacionado con esta molécula.

Cartel informativo da celebración do Día do ADN no MUNCYT da Coruña

Os visitantes poderán extraer o ADN dunha froita a partires de material caseiro e farán observacións de cromosomas ao microscopio. Ademáis, a través da reconstrucción dun crime ficticio, explicarase a identificación xenética e poderase participar na construcción dun ADN xigante.

Tes alma de xenetista? Curiosidade científica? Pois aproveita porque a entrada é libre ata completar aforo!

reLÚZete: 9ª sesión do CCI

cartel_2015-01-01Xa queda pouco, estamos coa conta atrás para o noso día grande o Día da Ciencia na Rúa (DCR) o próximo sábado 9 de maio. Os nervos xa afloran e queremos que todo saia perfecto, por eso cada sesión é importante e os CCIs traballan arreo elaborando contidos.

Seguro que sabedes que dende as Bibliotecas Municipais da Coruña, e por medio do noso Club de Ciencia e Investigación (CCI), achegamos sempre unha selección de libros que podedes atopar nas nosas bibliotecas e que teñen que ver coa temática tratada durante todo o ano nas sesións do CCI. Este ano non imos ser menos e ese día presentaremos a guía de lectura, pero haberá unha sorpresa, imaxinades cal?? Pois xa volo adiantamos agora: os CCIs tamén elaboraron a súa propia guia de lectura, si sí ledes ben, unha guía formada por material elaborado íntegramente polos rapaces e rapazas que formaron parte do Club de Ciencia e Investigación este ano.

 O que ides atopar na guía son reseñas de libros seleccionados por eles mesmos feitas do seu puño e letra e ilustradas con imaxes captadas coas súas cámaras e aparellos móbiles. Os CCIs o que pretenden con esta selección, ademáis de deixar boa constancia do traballo que realizaron durante todo o ano, é transmitirvos as mesmas ansias e entusiasmo coas que eles o fixeron e poidades así ampliar os vosos coñecementos sobre a Historia da LUZ. Na última sesión estiveron ultimando os detalles.

El pase de diapositivas requiere JavaScript.

Aproveitamos a ocasión para deixarvos noticia de varias actividades que vos son de interese e nas que vos animamos a participar:

O V Concurso de Relatos de Inspiración Científica, no que poderes amosar as vosas dotes literarias e como non, relacionalas coa ciencia. Tedes ata o 17 de maio para presentar as vosas propostas e podedes consultar todas as bases do concurso aquí!

Talleres sobre enerxía, electricidade e magnetismo mañá sábado 18 e o domingo 19 de abril no MUNCYT. Mediante xogos e outras actividades os participantes aprenderán divertíndose coa observación e produción de fenómenos eléctricos e magnéticos.

Como vedes hai centos de xeitos de aprender e desfrutar coa ciencia de xeito ameno e divertido e no noso Club de Ciencia damos boa conta delo!!! 😉

Observación pública da eclipse de Sol na Coruña

https://i1.wp.com/upload.wikimedia.org/wikipedia/commons/e/e9/SE2015Mar20T.gif

A Agrupación Astronómica Coruñesa Ío e a Casa das Ciencias convocan unha observación pública da eclipse de Sol. Será este venres 20 de marzo, entre as 09.00 e as 11.30 horas, nos arredores da Casa das Ciencias (Parque de Santa Margarita, A Coruña) e a asistencia é libre e de balde.

Na mañá do venres 20 de marzo de 2015 terá lugar unha eclipse de Sol. En diversos lugares de Escandinavia (Illas Faroe e Svalbard) a Lúa ocultará completamente o disco solar. Na Península Ibérica a ocultación será parcial, mais seremos os habitantes do noroeste os que teñamos as mellores condicións de observación. Dende A Coruña chegaremos a ver o 76% do disco solar oculto pola Lúa.

Na Coruña a eclipse do 20 de marzo comezará despois das nove da mañá e rematará contra as once e cuarto. O máximo da eclipse -a maior porcentaxe de ocultación- acontecerá pouco despois das dez. Non chegará nin moito menos a facerse de noite, mais si será perceptíbel unha diminución da luz ambiental e da temperatura.

Unha casualidade cósmica.
Unha eclipse de Sol consiste na ocultación progresiva do disco solar pola Lúa cando esta se interpón entre a estrela e a Terra. O fenómeno prodúcese por unha extraordinaria casualidade cósmica: o Sol é catrocentas veces máis grande cá Lúa mais tamén está catrocentas veces máis lonxe, co cal os seus tamaños aparentes vistos dende o noso planeta son moi semellantes.

Infrecuente, mais non excepcional.
As eclipses solares non son acontecementos excepcionais a escala planetaria, mais nun lugar determinado son relativamente infrecuentes. A franxa da Terra afectada pola sombra da Lúa na que a eclipse chega a verse como total é bastante estreita -apenas uns centos de quilómetros-, de maneira que ao longo da nosa vida aínda que se produzan bastantes eclipses de Sol serán moi poucas as que sucedan preto de onde nós vivimos. Así, a última eclipse total de Sol vista en Galicia foi a de 1912 e non teremos outra até 2026. A eclipse parcial do 20 de marzo será un bo aperitivo, como tamén foron a de 1999 e a anular de 2005.
Ademais, non abonda coa interposición da Lúa entre a Terra e o Sol, cousa que sucede cada vez que é Lúa Nova. A órbita da Lúa está lixeiramente inclinada respecto do plano de xiro da Terra arredor do Sol -uns 5 graos- e esa pequena diferenza é suficiente para que as máis das veces a sombra da Lúa pase por enriba ou por debaixo da Terra e non se vexa unha eclipse. Só cando a Lúa
está preto dun dos puntos nos que se corta a súa órbita arredor da Terra coa órbita da Terra arredor do Sol, os chamados “nodos”, os tres astros poden quedar perfectamente en liña e a súa sombra chega a ocultar o Sol en todo ou en parte.

A seguridade ante todo.
A observación pública da eclipse que se celebrará nas inmediacións da Casa das Ciencias, no Parque de Santa Margarita, permitirá seguir o fenómeno en boa compaña e con seguridade. Cómpre lembrar que nunca se debe observar o Sol directamente sen protección, tampouco durante unha eclipse. A intensidade da luz do Sol -non só a visíbel, tamén a emitida noutras frecuencias, como a infravermella ou a ultravioleta- é suficiente para producir danos irreparábeis nos nosos ollos. As “gafas de eclipse” semellan seguras para botar unha breve ollada ao Sol, mais non se deben empregar de maneira continua durante unha observación longa. Aínda con elas postas deberemos mirar o Sol só durante lapsos curtos de tempo. Estas gafas de eclipse xamais poden ser empregadas como filtro en binoculares ou telescopios. Tampouco se debe recorrer baixo ningún concepto a “trucos caseiros” para a observación do Sol: non serven nin as gafas de Sol nin os cristais afumados, radiografías, negativos ou calquera cousa parecida, obxectos que no mellor dos casos reducen un pouco a luz visíbel mais non protexen en absoluto os ollos doutras formas de radiación.

Un día para gardar o telescopio.
O perigo da observación directa do Sol multiplícase se miramos a través de cámaras de fotografía ou vídeo. O risco é extremo no caso de prismáticos ou telescopios, aparellos que concentran a luz e poden chegar a queimar fisicamente a retina. Existen filtros profesionais para a observación solar, mais son caros e delicados polo que non deben empregarse en observacións abertas ao público. Un telescopio orientado ao Sol constitúe un risco, sobre todo en presenza de menores que descoñecen o dano que pode causar nos ollos. Afortunadamente existen métodos para observar a súa progresión con total seguridade mediante a proxección da imaxe do disco solar. Do que se trata é de mirar a eclipse, non de mirar o Sol. Durante esta observación, o persoal da Casa das Ciencias e membros da Agrupación Astronómica Coruñesa Ío achegarán algúns destes métodos, e compartirán co público asistente a súa experiencia na observación de eclipses totais.

Actividades para facer na casa e na escola.

  1. Unha eclipse é unha escusa perfecta para gozar da ciencia coa familia e cos amigos. Por que se producen as eclipses? é unha pregunta que nos desafía a procurar máis información sobre o tema e a construír modelos do sistema solar a escala que nos axuden a entender mellor o fenómeno. O divulgador científico X. Dosi Veiga preparou canda a eclipse anular de Sol de 2005 un exhaustivo manual cheo de información interesante que podedes consultar ou descargar neste enderezo.
  2. Para a observación do Sol por proxección hai varios procedementos sinxelos que se deben preparar con antelación. Un deles consiste en montar un “tubo” de observación solar, tal e como nos propoñen dende a Agrupación Astronómica de Navarra neste documento con instrucións detalladas.
  3. Un sistema parecido é o que nos explica (en inglés) Sarah Roberts en AstroEdu, empregando material que temos nas casas.
  4. No sitio web do Planetario de Pamplona hai unha sección específica con propostas de actividades.

Para percibir a eclipse nin sequera é preciso mirar o ceo. Os ocos entre as follas das árbores actúan coma unha cámara escura e proxectan no chan centos de imaxes do Sol, que ese día veremos “incompleto”, mordido pola Lúa. O mesmo efecto podemos provocalo empregando, por exemplo, as escumadeiras que empregamos na cociña ou calquera obxecto con pequenos orificios.

Lembrade que dende que a Lúa comeza a ocultar o Sol até que sae por completo transcorren algo máis de dúas horas. É un intervalo suficientemente longo como para que todos -e en especial os nenos- teñamos oportunidade de experimentar a eclipse de diversas formas, con calma, sen présas.

O máis importante: é unha mañá para pasalo ben!

Fonte: