Archivo del sitio

Debuxando debuxando… seguimos observando

Ó longo do CCI deste ano decatámonos, entre outras moitas cousas, de que o que máis e o que menos ten unha vea artística importante.

Temos CCIs ós que lles gusta escribir e contar experiencias, ós que lles gusta rebuscar na información curiosidades varias, ós que se volven tolos pola fotografía e, como non, ós que o debuxo saca o mellor deles.

Todos, e digo todos, poderán disfrutar este sábado da aCCIón conxunta que as Bibliotecas Municipais lles temos preparada da man dos integrantes do Grupo Naturalista Hábitat nos arredores da Torre de Hércules. Para iso, só temos que recordar, que é necesario que leve un naturalista cando sae a explorar?

Calzado e roupa cómoda, entre o que non podemos olvidar unha gorra.

Auga e algo de comida, por se apreta a fame nalgún momento (bocadillo, galletas, fruta… o que cada un queira).

Caderno de campo con lápis, bolígrafo ou cores. Moi importante, para deixar probas de todo o atopado ese día.

Cámara de fotos (vale tamén a cámara do móvil) sempre que se poida.

Prismáticos e lupa, no caso de ter na casa, que non fai falla mercalos!

Recordade que o máis importante é pasalo ben, aprender moito e seguir descubrindo os arredores e toda a súa biodiversidade, tan rica coma sorprendente.

E para os que o sábado se queden con ganas de desenvolver a súa vena artística na natureza, o CEIDA ofrece o domingo 11 de maio no Castelo de Santa Cruz un obradoiro de técnicas básicas de debuxo da natureza que de seguro será espectacular.

Cartel do Obradoiro de debuxo da natureza 2014 no CEIDA

Xa sabedes, a disfrutar tódolos días un pouquechiño da beleza do que nos rodea!

 

Anuncios

Presentación do libro “Cuándo ver aves en Galicia”

O próximo venres 14 de febreiro ás 20.30 terá lugar a presentación da obra “Cuándo ver aves en Galicia: propuestas mes a mes para familias, aficionados y expertos“, no local do Grupo Naturalista Hábitat.

Esta guía práctica elaborada por Antonio Sandoval e Damián Romay, e editada por Tundra a finais de 2013, recolle un gran número de destinos e propostas de actividades para a observación de aves en Galicia en función da época do ano.

Cuando ver aves en Galicia

É o libro ideal para observadores de aves e amantes da natureza en xeral, así como tamén para educadores/as e axentes sociais e turísticos, que atoparán información moi útil para a organización de actividades e excursións relacionadas coas aves. Ademáis da proposta de actividades, a guía inclúe: unha ampla lista de recursos sobre aves e ornitoloxía galega, unha lista actualizada das aves de Galicia e unha lista de máis de 290 localidades citadas na obra coas súas coordenadas.

Se vos apetece descubrir máis detalles sobre a obra e os seus autores, non vos podedes perder a presentación que farán Antonio e Damián!!

O aforo é limitado, así que se estades interesados/as é preciso confirmar asistencia mediante un correo electrónico ao Grupo Naturalista Hábitat: gnhabitat@yahoo.es.

E lembrade que este libro e outros moitos sobre aves e natureza, podédelos atopar para levar en préstamo nos CCI-lotes das Bibliotecas Municipais da Coruña!!

As gaivotas das Mariñas Coruñesas

O próximo xoves 28 de novembro, os nosos amigos do Grupo Naturalista Hábitat organizan un encontro naturalista sobre as gaivotas das Mariñas Coruñesas. Nesta ocasión, contarán co ornitólogo Xabi Varela, experto en identificación de gaivotas e diferenciación de idades polas plumaxes.

A charla será ás 20.30 horas no local do Grupo Naturalista Hábitat e este día concretarase a data para unha saída práctica polos arredores da Coruña.

As gaivotas das Mariñas Coruñesas

Trátase dunha actividade gratuita, pero dado que o aforo do local do Grupo Hábitat é limitado, faise preciso confirmar a asistencia por teléfono ou correo electrónico: 981 13 50 14 / gnhabitat@yahoo.es.

CCI’s!! Esta é a vosa oportunidade para aprender un chisquiño máis sobre as aves e para escoitar a un gran ortinólogo.

Dende as Bibliotecas Municipais da Coruña animámosvos a participar e a que compartades con nós a vosa experiencia no blog.

Actividades no Día Mundial das Aves

Con motivo do Día Mundial das Aves, os nosos amigos do Grupo Naturalista Hábitat organizan unha serie de actividades moi interesantes nas que VOS ANIMAMOS A PARTICIPAR:

O xoves 3 de outubro ás 20.30 no local do Grupo Naturalista Hábitat, levarase a cabo un ENCONTRO NATURALISTA, da man do coñecido ortinólogo Antonio Sandoval Rey que nos falará de “As palleiras, piratas do mar”. A actividade é gratuita, pero o aforo é limitado, co cal cómpre confirmar a asistencia á charla vía correo electrónico: gnhabitat@yahoo.es.

Encontros naturalistas

O domingo 6 de outubro, entre as 10.00 da mañá e as 14.00 do mediodía, celebrarase unha xornada práctica de anelamento científico. A xornada de observación e anelamento terá lugar nos arredores do Observatorio Oritnolóxico de Crendes (Abegondo), no encoro de Cecebre, e correrá a cargo do Grupo de Anelamento Píllara. Poderedes observar paxaros na man e descubrir datos moi curiosos sobre as aves, ademais de ver como se anelan as aves.

Anelamento de aves

Como podedes observar hai variedade de actividades e todas ben interesantes, ¿volas ides perder?