Archivo del sitio

Os Centros de Recuperación de Fauna Silvestre

Nestes meses de verán é máis frecuente que se atopen aves en perigo ou mal feridas, tanto nas beiras dos ríos, na montaña ou mesmo nas praias.Ante esto CCI’s debedes saber que os animais salvaxes requiren uns coidados moi específicos, por iso, temos que ser conscientes de que cando nos encontramos un animal salvaxe (aínda que estea no mesmo paseo da praia ) o máis beneficioso para o animal é estar libre e san.

Para esta tarefa existen os centros de recuperación de fauna salvaxe, que se encargan de curar, rehabilitar e liberar a todos os que poden de forma gratuíta. Isto fano posible porque coñecen a problemática e as posibles solucións. No caso das aves (e en xeral de calquera animal salvaxe), é importante actuar con rapidez e levalo canto antes a un centro, tanto se é un adulto ferido coma se é un polo acabado de nacer que caeu do niño.

Estes son algúns consellos prácticos de como actuar no caso de atopares unha ave mal ferida:

  • As aves necesitan unha hidratación axeitada (non abonda con darlles auga directamente na boca, e isto ademais pode causarlles danos irreversibles)

  • se non están correctamente hidratados, non poderán alimentarse, polo que é contraproducente forzarlles a comer.

  • A miúdo a comida que se lles proporciona na casa non é a axeitada (por exemplo: non serve de nada alimentar a base de peituga de polo un bufo pequeno posto que é un alimento preparado para seres humanos e non contén os compoñentes nutricionais que necesitan as rapazas.

  • Outra advertencia, XAMAIS lle deades a unha ave pan con leite, NON SON MAMÍFEROS). Moitos polos pasan por diferentes fases de alimentación e se se trastorna algunha delas, o animal pode sufrir as consecuencias nun futuro non moi afastado

Por iso vos pedimos encarecidamente que se atopades un animal salvaxe, vos poñades en contacto canto antes co centro máis próximo ou coas autoridades, estaredes a aumentar as posibilidades de éxito na recuperación do animal. Aquí vos deixamos o listado de todos os centros que hai en Galicia e sabede que o da provincia da Coruña está en Santa Cruz de Oleiros.

GRAZAS pola vosa colaboración e por contribuir así a mellorar o medio ambiente!

Anuncios

A vista de paxaro

Ola CCI´s!!!

Como van esas vacacións? Despois dun ano intenso de cole seguro que o estades pasando en grande gozando do voso tempo libre, indo a praia, trouleando cos amiguetes, lendo un libro na piscina, e porque non, tamén observando aves e gozando da natureza. Xa que despois de todo o que aprendimos e compartimos neste ano cos nosos amigos do Habitat e tras a xornada de anelamento científico de aves e do roteiro pola Torre de Hécules, seguro que a máis dun e dunha se lle despertou o “gusanillo” e o interese polo tema, a que sí!!!

Galicia é un territorio afortunado, aínda que nalgunhas ocasións os plans de praia e de piscina se nos chafen polo tempo xa que os veráns aquí caracterízanse por ser frescos e con algunha choiva que outra. Estamos moi cerca do Océano, esta posición estratéxica fai desta terra un extraordinario lugar para o avistamento de aves.

collage
Esta comunidade autónoma é un dos mellores lugares de España para a observación ornitolóxica, cun catálogo interminable de especies sobrevoando as súas terras. As comunidades de aves varían sensiblemente entre os diferentes ambientes que podemos distinguir en Galicia: Humidales interiores,  Litoral e mar aberto, Áreas montañosas, Ámbitos urbanos, Áreas agrosilvopastoriles, Canóns e vales fluviais.

Aínda que son moitas as zoas de Galicia nas que ver un bo número de aves, existen certas áreas especialmente recomendables por diferentes motivos: facilidade para aceder aos mellores puntos,comunicacións, recursos turísticos…
A continuación, podedes observar un mapa dos espacios naturais de interese ornitolóxico de Galicia.

mapa

mapa1

E se estades planeando unha saída a natureza os deixamos o enlace da páxina web de turismo de Galicia con información sobre rutas, especies e os dez mellores lugares para ver aves nesta comunidade. Non esquezades consultalo noso catálogo das Bibliotecas Municipais e levar con vos algunha guía interesante e dar renda solta á vosa aventura.

 

 Lembrar que…
A observación de aves no seu ambiente natural supón un uso sostenible dos recursos naturais, e permite achegarnos á natureza dende un punto cercano e privilexiado. Con todo, hai que lembrar que non debemos molestar en ningún momento as aves, nin alterar os seus ecosistemas, respetando, sobre todo sus áreas de cría. O silencio e a discreción son imprescindibles.

Onde ver aves na Coruña

O CCI deste ano está chegando ao seu fin sen esquecer que nos queda o ANELAMENTO DE AVES co Grupo Naturalista Hábitat, pero se non queredes perder comba de todo o que fixemos durante este ano e poñer en práctica todo o aprendido, aquí vos deixamos unha guía de lugares onde podedes avistar aves na nosa cidade.

Lugares de avistamento:

El pase de diapositivas requiere JavaScript.

Somos realmente afortunados por ter unha enorme fauna e lugares tan fermosos na Coruña e moitas veces non somos conscientes desta realidade, así que esperamos que grazas a todo o que fixemos no CCI este ano co Grupo Naturalista Hábitat sexa útil para que esta realidade que nos rodea poda seguir medrando e dándonos imaxes tan bonitas coma as que vos amosamos.

 

Resumo da XIX edición do Día da Ciencia na Rúa

O Parque de Santa Margarida converteuse un ano máis nun gran laboratorio de probas onde os grandes protagonistas foron os nenos. Fóra das aulas, a ciencia mostrou con entusiasmo a súa faciana máis divertida. Pero baixo a apariencia do xogo houbo experimentación en estado puro, respostas a realidades explicables grazas á curiosidade científica.

Foi a decimonovena edición do Día da Ciencia na Rúa onde 40 centros educativos e entidades tiveron o seu propio posto nesta edición, o maior número ata o momento. E entre eles as Bibliotecas Municipais da Coruña que estiveron representadas como non a través do seu Club de Ciencia e Investigación.

No DCR os CCI´s tomaron o protagonismo e foron o eixo e centro das actividades que se desenrolaron. Amosaron o stand aos visitantes, os libros sobre natureza e aves que levamos como mostra e que os socios podian levar en préstamo, explicaron o proceso de anelamento das aves mediante o xogo “Non perdas os aneis” e déronlle un toque poético á jaima co “Laboratorio xerador de Haikus”.

Durante todo o día os CCI´s non pararon de recibir visitantes na jaima das Bibliotecas Municipais onde unha das cousas que máis gustou foi a “Guía de lectura” elaborada co material bibliográfico co que traballamos ao longo destes 4 meses no Club de Ciencia e Investigación e que este ano 2013-2014 estaba centrado na temática do naturalismo e máis concretamente nas aves.

Pero tamén houbo tempo para visitar o resto de jaimas. Un xardín botánico, ensinar a muxir unha vaca, ou a pescar unha moeda na auga sen mollarse foron algunhas das alternativas que máis chamaron a atención dos rapaces e rapazas do CCI, que tamén quixeron saber como funciona un submarino ou os circuítos electromagnéticos.

Outro feito destacable é que na jaima estivemos acompañados polos que foron os nosos compañeiros de aventuras este CCI 2013-2014, os membros do Grupo Naturalista Hábitat que trouxeron todo tipo de material, unha chea de documentos (libros, revistas, folletos, carteis), artiluxios que empregan nas súas saídas de campo e pequenos tesouros como ovos de paxaro, plumas, esqueletes e osos de animais que chamaron a atención dos visitantes máis curiosos.

 Sen dúbida foi un día de moito axetreo, unha chea de xente visitando a nosa jaima, entrevistas para a radio, a visita do alcalde, pero vendo as caras de satisfación dos CCI’s dan gañas de poñerse a organizar xa a próxima edición porque son este tipo de actividades ás que fan que os nenos e nenas se impliquen e estean motivados.

Este foi só un pequeno resumo do día grande do Club de Ciencia e Investigación das Bibliotecas Municipais, se queredes ver máis fotos visita a nosa galeria en Flickr

El pase de diapositivas requiere JavaScript.

10 de maio: XIX Edición do Día da Ciencia na Rúa

Xa non queda nada, estamos en vésperas da tan esperada cita para os membros do Club de Ciencia e Investigación (CCI) das Bibliotecas Municipais, o Día da Ciencia na Rúa (DCR) que coma tódolos anos dende o 1996 se ven celebrando o primeiro sábado do mes de maio no Parque de Santa Margarita por iniciativa da Asociación de Amigos da Casa das Ciencias.

Día da Ciencia na Rúa 2014

Cartel do Día da Ciencia na Rúa 2014

 No DCR os CCI´s toman o protagonismo e serán o eixo e centro das actividades que se desenrolen. Serán os que amosen o stand aos visitantes, os que saian nos videos promocionais da actividade, os que mostren os libros científicos que van estar no stand… e os que poñan en práctica todo o aprendido ao longo destes catro meses de CCI nos que, baixo o lema aCCIón ambiental, nos adentramos na temática naturalista e máis en concreto no mundo das aves.

 Nas sesións previas os CCI´s estiveron ultimando os detalles e poñendo todo a punto para que no DCR saia todo a pedir de boca.

Unha das sorpresas que temos preparada é un Laboratorio xerador de Haikus posto que teñen moita relación co tema tratado este ano no CCI, o naturalismo. Os haikus son composicións poéticas de orixe xaponesa que constan de tres versos, de 5, 7 e 5 sílabas, sen rima e a temática busca sempre describir os fenómenos naturais, o cambio das estacións, ou a vida cotiá da xente.

 

Co “Xogo dos pares” os CCI´s demostrarán que reúnen todas as cualidades para ser un bo naturalista.  E co xogo “Non perdas os aneis” explicarán e poñerán a proba aos asistentes no coñecemento do proceso de anelar aves, unha das saídas que se o tempo nolo permite poñerá o broche final a este CCI 2014.

E un dos platos fortes serán sen dúbida os roteiros que faremos polo Parque de Santa Margarita guiados polos nosos compañeiros e colaboradores deste ano no CCI, os membros do Grupo Naturalista Hábitat, onde os CCI’s facendo uso das súas capacidades observadoras irán sacando fotos coas que realizaremos un concurso final.

Lembrade que tanto os roteiros coma o resto de actividades están abertas a todo o público que queira participar. A cita, mañá sábado 10 de maio no Parque de Santa Margarita. Agardámosvos!

aCCión conxunta II

Este sábado fixemos a nosa primeira sáida do CCI deste ano 2014 e tivemos a grandísima sorte de que nos fixo un día precioso e perfecto para Observar toda a fauna e flora que nos rodeaba.
Un roteiro naturalista polas inmediacións dun dos monumentos máis importantes da nosa cidade, “A Torre de Hércules“.

Neste roteiro puidemos descubrir sen saír da nosa cidade moitas especies tanto de aves coma de flores e mesmo pequenos animais das que xa falaramos en sesións anteriores e que xa tiñamos recollidas nos nosos cadernos de campo, os cales nesta saída axudáronnos moito a identificar a eses animais e sobretodo a anotar as novas especies e descubrimentos que íamos facendo seguindo as indicacións que nos daban Andrés e Atocha, dous expertos naturalistas que forman parte do Grupo Naturalista Hábitat.

Durante o noso percorrido empregamos todos os instrumentos que levamos cada un de nós, prismáticos, cámaras de fotos, móviles e mesmo os telescopios que nos deixaron os compoñentes do Grupo Hábitat. Foi incrible poder ver algunhas aves que voaban a centos de metros de nós coma si estiveran ao noso carón.

Tamén puidemos ver diferentes flores que se reproducen e medran na contorna da Torre de Hércules. As que máis nos chamaron a atención foron a “Carpobrotus edulis” tamén chamada “Uña de gato” e a “Silene latifolia” máis coñecida como “Cabaciña” pola súa semellanza cunha cabaza.
Da “Carpobrotus edulis“, aprendemos que é unha planta invasora procedente de Sudáfrica. Desplaza ás autóctonas ata que as fai desaparecer xa que medra sobre elas, ocúltaas e quitalles os nutrintes e a luz ata que morren.
E da “Silene latifolia“, soupemos que é unha pranta de talos ocos e robustos que poden chegar a medir os 80 ou 100 cm de altura.

Ademáis de flores e prantas atopamos varias especies de gaivotas que estivemos observando para coñecer as diferenzas entre unhas e outras xa que para nós todas eran iguais ata que as puidemos ver xuntas e distinguilas, atopamos lagartos e nas pequenas charcas que se forman de xeito natural puidemos descubrir as ovas de rá.

Todo este percorrido fixémolo ca axuda das guías de aves e prantas que temos nas Bibliotecas Municipais da Coruña e que tanto Atocha como Andrés nos ensinaron como manexar durante todas as sesións do CCI deste ano.

A verdade é que foi unha saída na que puxemos en práctica todo o aprendido durante o CCI deste ano, empregamos os nosos cadernos de campo, todos os aparellos cun bo naturalista debe saber manexar, as guías de aves e prantas e todo iso memos foi grabado pola Televisión de Galicia e ata saímos no periódico “El Ideal Gallego”. O noso club foi famoso por un día!!!

O CCI no periódico "El Ideal Gallego"

O CCI no periódico “El Ideal Gallego”

 

Se queredes ver máis fotos deste día non tedes máis que visitar o noso álbum do CCI en Flickr.

El pase de diapositivas requiere JavaScript.

Debuxando debuxando… seguimos observando

Ó longo do CCI deste ano decatámonos, entre outras moitas cousas, de que o que máis e o que menos ten unha vea artística importante.

Temos CCIs ós que lles gusta escribir e contar experiencias, ós que lles gusta rebuscar na información curiosidades varias, ós que se volven tolos pola fotografía e, como non, ós que o debuxo saca o mellor deles.

Todos, e digo todos, poderán disfrutar este sábado da aCCIón conxunta que as Bibliotecas Municipais lles temos preparada da man dos integrantes do Grupo Naturalista Hábitat nos arredores da Torre de Hércules. Para iso, só temos que recordar, que é necesario que leve un naturalista cando sae a explorar?

Calzado e roupa cómoda, entre o que non podemos olvidar unha gorra.

Auga e algo de comida, por se apreta a fame nalgún momento (bocadillo, galletas, fruta… o que cada un queira).

Caderno de campo con lápis, bolígrafo ou cores. Moi importante, para deixar probas de todo o atopado ese día.

Cámara de fotos (vale tamén a cámara do móvil) sempre que se poida.

Prismáticos e lupa, no caso de ter na casa, que non fai falla mercalos!

Recordade que o máis importante é pasalo ben, aprender moito e seguir descubrindo os arredores e toda a súa biodiversidade, tan rica coma sorprendente.

E para os que o sábado se queden con ganas de desenvolver a súa vena artística na natureza, o CEIDA ofrece o domingo 11 de maio no Castelo de Santa Cruz un obradoiro de técnicas básicas de debuxo da natureza que de seguro será espectacular.

Cartel do Obradoiro de debuxo da natureza 2014 no CEIDA

Xa sabedes, a disfrutar tódolos días un pouquechiño da beleza do que nos rodea!

 

Inspección Costeira de Aves Orilladas (ICAO)

Benqueridos CCI’s hoxe queremos trasladarvos coñecemento dun proxecto que nos chegou da mán dos nosos amigos do Grupo Naturalista Hábitat. É un proxecto ben interesante do que podedes participar e formar parte moi activamente no voso tempo libre.

Estamosvos a falar das ICAO ou o que é o mesmo, da Inspección Costeira de Aves Orilladas. Este proxecto ten como obxectivo monitorizar a chegada á costa de aves vivas e mortas que poden producirse ao longo do litoral da Península Ibérica. Baséase no traballo altruista de voluntarios que inspeccionan a pé e de forma detallada tramos de costa. As ICAOs poden ser coordinadas de forma simultánea ou ben realizarse de forma oportunista, especialmente despois de condicións meteorolóxicas adversas e posibles verquidos de sustancias contaminantes ao mar.

Hai que ter en conta que a sucesión de temporais deste inverno tiveron un grave impacto sobre a avifauna mariña. Dende comezos de febreiro milleiros de aves están aparecendo mortas nas praias do Cantábrico e o golfo de Viscaia asi como tamén son moitas as atopadas nas costas británicas, francesas e españolas. A prensa fíxose eco desta mortandande, con artigos como o publicado polo diario El País, con información de SEO/BirdLife, que consideraba o impacto destes temporais como unha especie de “Prestige” meteorolóxico.

Unha ICAO coordinada  polo Grupo Ibérico de Aves Mariñas  (GIAM)  de SEO/Birdlife e formada por un cento de voluntarios xa tivo lugar o pasado 15 de marzo e percorreu todo o litoral atlántico español dende Galica ata Euskadi.

Pero vós podedes aportar o voso grao de area de forma individual porque como vedes a participación é moi sinxela: un simple paseo pola praia, anotando nesta ficha unha serie de características (praia, hora, marea, extensión percorrida…) e as aves que se atopen mortas

Para non repetir praias é importante coordinarse, así que se vas participar, é preciso que mandes un correo a atoblue5@yahoo.es, indicando nome completo, praias a prospectar e un móbil de contacto. Se ademais queres estar cuberto polo seguro que SEO/Birdlife xestiona para os voluntarios nesta actividade, deberás indicar teu número de DNI.

As praias que xa están cubertas, e que non deben ser prospectadas para evitar duplicidades, son: As Catedrais (Ribadeo), Reinante, Benquerencia e Altar (Barreiros), e Llas (Foz), A Barra (Ponteceso), Traba e Laxe (Laxe), Seiruga e Malpica (Malpica).

Por se vos animades, deixámosvos máis información, aquí.

A primeira parexa de quebraosos nos Picos de Europa tras máis de medio século

quebraosos ou crebaosos (Gypaetus barbatus) é unha ave de rapina da famila Accipitridae. A envergadura das súas alas, que pode acadar 2,9 metros, fai del unha das aves voadoras meirandes.

Quebraoso_16_r

Hoxe queremos transmitir con vós unha boa nova da que seguro que tamén vos alegrades. Técnicos da Fundación para a Conservación do Quebraosos (FCQ) detectaron fai un par de semanas unha parexa de quebraosos nos Picos de Europa.

Trátase dunha femia “Deva”– cedida polo Governo de Aragón e liberada no 2010 no marco do Programa de recuperación do quebrantaosos nos Picos de Europa- e un exemplar adulto dispersante.

A noticia é de grande interese porque o quebraosos é unha das especies máis ameazadas de España, xunto co lince ibérico, a águia imperial, o buitre negro, o oso pardo, o urogalo ou o visón europeo. Estivo históricamente presente na maioría das zonas montañosas de Europa, Asia e África, aínda que durante o último século as súas poboacións sufriron unha regresión moi importante.

Ademáis a parexa amosa comportamentos que preceden ao proceso de reproducción. Ainda que Deva está actualmente no seu cuarto ano de vida e que é unha idade fisiolóxicamente temperá para iniciar a reproducción xa amosa actitudes territoriais defendendo a zona ante buitres e outras rapaces.

Esta especie levaba aló menos 60 anos desaparecida do Parque Nacional e o último niño coñecido data do 1956.

Segundo informou a Fundación, a parexa instalouse nunha zona de gran calidade de hábitat para a especie na vertente asturiana do Parque Nacional dos Picos de Europa o que é algo moi positivo.

Aquí vos deixamos unha reportaxe ben interesante da Recuperación do Quebraosos nos Picos de Europa, botadelle un ollo!

Nova APP para coñecer as aves

logoSEOCCI´s e demáis amantes das aves e da natureza en xeral , estades de boa sorte xa que identificar unha ave ao escoitala, ou cando se lle ve fugazmente no campo, xa non será unha habilidade exclusiva dos ornitólogos. Nin sequera dos grandes afeccionados. Coñecer as aves do noso país, así como os lugares excepcionais para a súa observación, resulta agora moito máis doado grazas á nova aplicación para smartphones editada por SEO/BirdLife.
A aplicación informa sobre a vida, o comportamento, a distribución e o estado de conservación das 563 especies de aves que, de forma habitual ou ocasional, están presentes ou foron citadas no territorio español. Tamén describe rutas por 25 enclaves de grande importancia ornitolóxica. Os textos acompáñanse de numerosos recursos: cantos, vídeos, fotografías, ilustracións e mapas. Con este contido a obra convértese na máis completa guía especializada en ornitoloxía realizada ata agora para dispositivos móbiles en España.