Archivo del sitio

O MUNCYT xa está aquí

O día 4, un día antes de que toda Coruña vaia visitar o noso stand no XVII Día da Ciencia na rúa, inaugurarase oficialmente o Museo Nacional de Ciencia y Tecnología (Muncyt); pero non será ata o día seguinte cando se ofreza unha xornada de portas abertas. Durante o mes de Maio o museo realizará varias visitas concertadas para grupos ata abrir definitivamente o 1 de Xuño para o público en xeral.

Entre as cousas que poderemos visitar neste enorme edificio adicado a nosa grande paixón están estas 7 salas de exposición: Sala Miscelánea, adicada á teconoloxía; Sala Maiúsculas, con pezas grandes e emblemáticas; Sala Patrimonio, con “alfaias tecnolóxicas”; Sala Innovación Española, que analizará a investigación de onte e de hoxe; a Sala Iberia, co Jumbo Lope de Vega como estrela; a Sala século XX e a Sala Expos Interinas, cunha exposición temporal sobre o teclado QWERTY.

Vehículos de grande tamaño que son unha mestura de tractor, camión e tren; a cabina do avión Boeing 747 Lope de Vega; os robots faladores Pepexan e Marilu; o primeiro acelerador de partículas deseñado e construido en 1957 pola Xunta de Enerxía Nuclear… Vaste perder todas estas maravillas??.

De seguro que non, porque os nosos axentes especiais están traballando duro para que os CCI´s sexamos uns dos primeiros grupos en enterarnos de que é o que se está cocendo no museo. Vos tamén estades impacientes por asistir??, non vos preocupedes que o veremos moi pronto.

Imos de excursión… coa mochila e o bocata de xamón!!!

Hoxe os CCI`s  do Forum Metropolitano e da Infantil e Xuvenil imos sair das bibliotecas para asumir unha vez máis outra misión de investigación.

Esta misión terá lugar no escuro e lóbrego sótano do Instituto Salvador de Madariaga; alí poderemos atopar restos de animais, ósos, fósiles, aparellos antigos… se queres pasar unha noite do máis xurásica esperámosvos alí ás 20:00h.

Sincronizade os vosos reloxos por que esta será unha cita moi importante e a puntualidade é un requisito imprescindible para ser un bo investigador.