Archivo del Autor: vanesarios

“Nikola Tesla: suyo es el futuro”

Exposicion-Nikola-Tesla-suyo-es-el-futuro_image365_Ese é o nome da exposición sobre o inventor americano de orixe serbio Nikola Tesla que está a punto de clausurarse en Madrid. Trátase da exposición máis grande celebrada nunca sobre a figura do inventor, e ofrece ao público, por primeira vez, obxectos persoais do científico que non saíran nunca da súa terra natal.

 Posto que o noso tema a tratar este ano é a Luz e as enerxías derivadas da Luz non podia faltar a presentación e coñecemento deste xenial e cando menos curioso personaxe. Nado o 10 de xullo de 1856 – Nova York, 7 de xaneiro de 1943, Tesla  foi un inventor, enxeñeiro mecánico, enxeñeiro electricista e físico de orixe serbia e o promotor máis importante do nacemento da electricidade comercial.

Coñéceselle, sobre todo, polas súas numerosas e revolucionarias invencións no campo do electromagnetismo, desenvolvidas a finais do século XIX e principios do século XX. As patentes de Tesla e o seu traballo teórico formaron as bases dos sistemas modernos de potencia eléctrica por corrente alterna (CA) que tanto contribuíron ao nacemento da Segunda Revolución Industrial. Ademais do seu traballo en electromagnetismo e enxeñaría electromecánica, Tesla contribuíu en diferente medida ao desenvolvemento da robótica, o control remoto, o radar, as ciencias da computación.

 tesla40_17

Tesla consitúe sin dúbida unha figura fundamental da historia do progreso. Podemos afirmar que os seus descubrimentos, inventos, achegas e vaticinios permitiron o desenvolvemento da civilización eléctrica na que aínda vivimos. Non obstante, tras caer en desgraza nos albores do século XX, morreu e residiu no esquecemento ata os albores do noso século XXI. Resulta incomprensible, dada a enorme transcendencia do seu traballo, comparable á dos seus rivais Thomas A. Edison e Guglielmo Marconi, ambos os dous por certo afeccionados a osmar nas súas patentes.

Dende logo unha auténtica mágoa que a exposición sexa en Madrid, pero dende aquí si que vos recomendamos que botedes un ollo á páxina e descubrades máis curiosidades sobre Nikola Tesla.

LÚZete: 2ª sesión do CCI 2015

A pasada semana tivemos unha nova sesión do Club de Ciencia e Investigación (CCI) das Bibliotecas Municipais. Desta volta demos boa conta do uso e manexo de varias ferramentas tecnolóxicas.

Porque non queremos que os nosos investigadores e investigadoras perdan detalle de todo o que acontece durante as sesión. Queremos que estean a última de calquera novidade que se publique acerca do noso tema de investigación: a Luz e as enerxías derivadas da Luz.

 

Coñecemos e presentamos Pinterest unha nova rede social que está moi en auxe. Pinterest é a unión de dúas palabras, Pin máis Interest, que viría a traducirse como enganchar intereses, a gran diferenza desta rede social, é que é practicamente 100% visual.

Os investigadores e investigadoras utilizarán o Pinterest como ferramenta de visualización do CCI de cara a presentalo no dia grande o Dia da Ciencia na Rua (DCR).

 De xeito especial traballamos co Blog. O Blog oficial do programa, dende o que aquí escribimos será o noso principal medio de comunicación durante os días que non teñamos sesión: nel poderase consultar o calendario das sesións de todo o curso, repasar o que aprenderon en sesións anteriores cos post de resumo que imos subindo e descubrir noticias interesantes que vaiamos atopando e compartindo con eles relacionados coa luz.

 

O Blog de Traballo , da Biblioteca Infantil e da Biblioteca Forum é o sitio no que os pequenos investigadores e investigadoras poderán practicar: escribir os seus propios artigos e facer comentarios ás achegas dos seus compañeiros.

Para iso, recalcamos unhas nocións básicas, coas que aprenderon a:

  • Entrar no blog co seu usuario e contrasinal.
  • Crear unha nova entrada (distinguir entre o título e o corpo do post)
  • Engadir ao post imaxes, videos e hipervínculos
  • A importancia das categorías e as etiquetas

E logo da teoría pasamos á práctica. Axudados do material e dos libros que conforman  mostra permanente así coma da propia busca en internet e no Opac das bibliotecas os CCIS comezaron as súas primeiras pesquisas e investigacións sobre a materia. Os CCIS xa foron quen de publicar os seus primeiros traballos sobre a LUZ, as enerxías derivadas da Luz asi coma de posibles experimentos no seu propio blog de traballo. Isto só foi o comezo, de seguro que as súas publicacións darán moito que falar.

Animamosvos a que sigades os seus blogs de traballo e esteades atentos ao que se vai publicar!!

 

aLUZina: así foi a nosa primeira sesión do CCI 2015

A semana pasada demos comezo de xeito oficial ao CCI 2015. Realizamos a nosa primeira sesión tanto na Biblioteca Infantil coma na Biblioteca Forum Metropolitano.

ANO INTERNACIONAL LUZ

Como xa adiantabamos nun post anterior, este novo ano 2015, dende as Bibliotecas Municipais queremos sumarnos á Asemblea Anual da Organización das Nacións Unidas (ONU), que proclamou o 2015 como o Ano Internacional da Luz e as Tecnoloxías baseadas na Luz, e adicar o noso Club de Ciencia e Investigación a experimentar todo o que esté nas nosas mans sobre a materia.

Foi unha primeira sesión de presentación e de coñecemento xa que este ano contamos con moitas caras novas entre os membros do noso club, algo que nos alegra enormemente. Fixémoslles entrega das ferramentas fundamentais de todo bo investigador: carnés oficiais de investigadores, os cadernos de notas e os CCI Lotes, algo que para os veteranos xa era coñecido. Que ti ainda non sabes que son? Pois toma boa nota porque de seguro que che interesa:

-Un 3 x 1: tres documentos que contan coma un só préstamo.

A biblio nunha mochila: materiais relacionados coa  luz e as tecnoloxías baseadas na luz, a fotografía, a óptica, os faros, as sombras etc. En cada lote intentamos abarcar a variedade de materiais que temos na biblioteca (audiovisuais, libros de ficción, materias) e aportar novos datos que complementen as sesións e que os CCIs poidan desfrutar tranquilamente nas súas casas de xeito ameno e divertido.

-Duración do préstamo: 15 días, renovables por outros 15. En total 30 días!!

Sen dúbida os CCIs nunca deixan de sorprendernos, comprobamos que saben moito máis da luz do que eles mesmo pensaban. Algo que demostraron no breve repaso xeral de datos importantes relacionados coa Luz, coma por exemplo:

  • o descubrimento da electricidade estática no século II a.C. por Tales de Mileto,
  • a invención do teléfono por Alexander Graham Bell no 1876
  • a pila voltaica por Alessandro Volta no 1791
  • o descubrimento da corrente alterna por Nikola Tesla considerado o promotor máis importante do nacemento da electricidade comercial.

 Aproveitamos a ocasión para ver un adianto das sesións que nos esperan onde abordaremos a Luz dende o seu descubrimento ata ver como inflúe na vida moderna e trataremos de xeito particular o mundo dos faros. Por suposto non nos esquecemos das saídas, un dos grandes reclamos para os pequenos grandes investigadores. Este ano visitaremos o MUNCYT e a Torre de Hércules por dentro!!

A cousa promete, ¿non si? Por iso estade ben atentos e non perdades ollo do que aquí vos imos contar nas vindeiras sesións porque logo da teoria pasaremos a experimentar. Traballaremos a reo para que o noso día grande o Día da Ciencia na Rúa nos quede ben LUZido!!!

Aquí vos deixamos a galería fotográfica completa para que poidades ver como foi toda a sesión. Recordámosche que na Biblioteca Infantil ainda quedan prazas libres, só tes que cubrir o formulario para inscribirte e formar parte do noso club de ciencia das Bibliotecas Municipais.

Non queremos poñelo punto e aparte ata a vindeira sesión sen antes darvos un pequeno consello de investigador:

Abre ben os ollos, ponte mans á obra porque a ciencia comeza XA!!!

Os Centros de Recuperación de Fauna Silvestre

Nestes meses de verán é máis frecuente que se atopen aves en perigo ou mal feridas, tanto nas beiras dos ríos, na montaña ou mesmo nas praias.Ante esto CCI’s debedes saber que os animais salvaxes requiren uns coidados moi específicos, por iso, temos que ser conscientes de que cando nos encontramos un animal salvaxe (aínda que estea no mesmo paseo da praia ) o máis beneficioso para o animal é estar libre e san.

Para esta tarefa existen os centros de recuperación de fauna salvaxe, que se encargan de curar, rehabilitar e liberar a todos os que poden de forma gratuíta. Isto fano posible porque coñecen a problemática e as posibles solucións. No caso das aves (e en xeral de calquera animal salvaxe), é importante actuar con rapidez e levalo canto antes a un centro, tanto se é un adulto ferido coma se é un polo acabado de nacer que caeu do niño.

Estes son algúns consellos prácticos de como actuar no caso de atopares unha ave mal ferida:

  • As aves necesitan unha hidratación axeitada (non abonda con darlles auga directamente na boca, e isto ademais pode causarlles danos irreversibles)

  • se non están correctamente hidratados, non poderán alimentarse, polo que é contraproducente forzarlles a comer.

  • A miúdo a comida que se lles proporciona na casa non é a axeitada (por exemplo: non serve de nada alimentar a base de peituga de polo un bufo pequeno posto que é un alimento preparado para seres humanos e non contén os compoñentes nutricionais que necesitan as rapazas.

  • Outra advertencia, XAMAIS lle deades a unha ave pan con leite, NON SON MAMÍFEROS). Moitos polos pasan por diferentes fases de alimentación e se se trastorna algunha delas, o animal pode sufrir as consecuencias nun futuro non moi afastado

Por iso vos pedimos encarecidamente que se atopades un animal salvaxe, vos poñades en contacto canto antes co centro máis próximo ou coas autoridades, estaredes a aumentar as posibilidades de éxito na recuperación do animal. Aquí vos deixamos o listado de todos os centros que hai en Galicia e sabede que o da provincia da Coruña está en Santa Cruz de Oleiros.

GRAZAS pola vosa colaboración e por contribuir así a mellorar o medio ambiente!

“Científicas galegas en acción”

ciencia en accion“Ciencia en Acción” é unha iniciativa do Consello Superior de Investigacións Científicas, o Instituto de Ciencias Matemáticas, a Real Sociedade Española de Física, a Real Sociedaga Española de Química, a Sociedade Española de Bioquímica e Bioloxía Molecular, a Sociedade Xeolóxica de España e a Universidade Nacional de Educación a distancia. É un programa aproxima a ciencia e a tecnoloxía ao gran público dun xeito dinámico, doado e ameno.

cartel

Este ano celébrase a décimo quinta edición de “Ciencia en Acción” e terá lugar do 3 ao 5 de outubro en CosmoCaixa Barcelona e contará con presenza galega.

Unha web galega de mulleres científicas e investigadoras foi seleccionada. En busca da Igualdade, da Oficina para a Igualdade de Xénero da Universidade da Coruña é a  web en cuestión, elixida como un dos traballos gañadores nesta décimo quinta edición na modalidade de Ciencia, Enxeñaría e Valores.

Na páxina web recóllese a biografía e as obras dun bo número de mulleres que traballaron e traballan nos distintos eidos da ciencia, a cultura, a tecnoloxía ou as artes. A idea, informa a Oficina, xurdiu a partires da exposición Mulleres nas bibliotecas, organizada con motivo do Día Internacional das Mulleres.

Haberá que agardar a outubro para saber se finalmente a presenza galega chega á final europea.

Fotógrafos da Natureza 2014

Na sala Isabel Castelo do Aquarium Finisterrae  da Coruña acaba de abrir ao público a exposición Fotógrafos da Natureza 2014. Unha exposición onde se mostran as mellores fotografías do prestixioso concurso “Wildlife Photographer of the Year” e que estará dispoñible ata finais de setembro en horario de 10 da mañá a 9 da noite.

aquarium

Son as imaxes máis espectaculares dos mellores fotógrafos da natureza do mundo.

Fotografías que retratan momentos únicos da fauna submarina, as aves ou os mamíferos, pero tamén do mundo vexetal e a paisaxe. A mostra recolle tamén imaxes sobre o impacto da actividade humana no planeta e convida a reflexionar sobre a importancia de preservalo.

 Entre os 72 fotógrafos premiados, orixinarios de 18 países, encóntranse 13 españois.

O concurso European Wildlife Photographer of the Year iniciouse no ano 2000, promovido pola Asociación Alemá de Fotógrafos da Natureza (GDT nas súas siglas en alemán). Ten como obxectivo mostrar o extraordinario traballo dos fotógrafos da natureza europeos grazas ás extraordinarias imaxes que anualmente presentan. Pero tamén pretende promover o coñecemento da natureza e a súa conservación a través da fotografía.

Sen dúbida é un bo plan para disfrutar nestas vacacións. Asi que xa sabedes, CCI’s,  anotadeo na vosa axenda estival porque tedes ata o mes de setembro para visitala.

Día do Científico Galego

A Real Academia Galega de Ciencias (RAGC) celebrou o pasado luns 16 de xuño a VII edición do Día do Científico Galego, dedicado este ano ao naturalista Luis Iglesias.

luis iglesias iglesias

A Real Academia Galega de Ciencias celebra dende 2008 o Día do Científico Galego, co obxectivo de divulgar a investigación e a ciencia entre a sociedade en xeral e a comunidade educativa en particular. E a Fundación Barrié, a través de educaBarrié, colabora neste importante proxecto coa elaboración e difusión de materiais didácticos sobre a vida e a obra dos homenaxeados, así como no desenvolvemento de actividades para escolares e familias, e visitas guiadas, obradoiros, espectáculos, actividades na rúa, concursos, etc.

 Luís Iglesias Iglesias, nado en Teis, Vigo, o 2 de xullo de 1895 e finado en Santiago de Compostela o 29 de decembro de 1977, foi un científico galego. Estudou Bacharelato en Vigo e en Madrid Ciencias Naturais e Medicina. Dedicouse á docencia e a súa obra investigadora centrouse, sobre todo, na Entomoloxía (o estudio científico dos insectos). Tamén colaborou na Historia de Galiza de Otero Pedrayo, escribindo a parte de Zooloxía.

 maria-wonenburger-sabia-L-HLl0Yi_1__1

Pero queremos aproveitar tamén este día tan sinalado para facernos eco da triste noticia que estes días recollían todos os medios de comunicación, a morte os 86 anos da matemática e científica coruñesa María Wonenburger que obtivo tardiamente os honores da comunidade científica galega e española e das institucións políticas e reivindicar asi tamén o papel das mulleres no eido científco.

De seguro que os CCI’s das Bibliotecas Municipais serán tamén no futuro uns grandes científicos e científicas galegos, dende o Club de Ciencia e Investigación animámolos a que sigan traballando e non abandonen nunca esa ansia e inquietude pola ciencia e polas gañas de aprender que sempre os acompaña!!

5 de xuño Día Mundial do Medio Ambiente

diamedio_ambiente-300x267Día mundial do Medio Ambiente celébrase cada 5 de xuño desde 1972. Este día foi establecido pola Asemblea Xeral das Nacións Unidas, na Resolución 2994 (XXVII) do 15 de decembro de 1972, coa que se iniciou a Conferencia de Estocolmo co Medio Humano coma tema principal. Ese mesmo día, a Asemblea Xeral da ONU aprobou a creación do Programa das Nacións Unidas para o Medio Ambiente (PNUMA).

Co Día Mundial do Medio Ambiente, a Organización de Nacións Unidas procura sensibilizar a opinión mundial en relación a temas ambientais.

O Día mundial do Medio Ambiente é un evento no que se realizan múltiples actividades: concentracións en rúas, concertos ecolóxicos, ensaios e competencias en escolas, plantacións de árbores, campañas de reciclaxe e de limpeza, entre outras. En moitos países esta celebración é unha oportunidade de asinar ou ratificar convenios internacionais e, algunhas veces, establecer estruturas gobernamentais permanentes relacionadas co manexo ambiental e a planificación económica.

Ceida (Centro de Extensión Universitaria e Divulgación Ambiental de Galicia) organiza, para conmemorar este día tan relevante, en colaboración con Gadis unha Xornada de Voluntariado nunha das zonas máis relevantes do Concello de Oleiros, a Costa de Dexo.

 

Os voluntarios poderán contribuir á preservación do Monumento Natural Costa de Dexo-Serantes eliminando unha das plantas invasoras máis frecuente nesta zona, o Carpobrotus Edulis (uña de gato).

A xornada está dirixida a todo tipo de público en horario de 16 a 20 h.

Como requisito só tes que facer a inscrición na páxina do CEIDA.

 Xa o sabes, anótate e aporta así o teu gran de area na conservación do medio ambiente!

Resumo da XIX edición do Día da Ciencia na Rúa

O Parque de Santa Margarida converteuse un ano máis nun gran laboratorio de probas onde os grandes protagonistas foron os nenos. Fóra das aulas, a ciencia mostrou con entusiasmo a súa faciana máis divertida. Pero baixo a apariencia do xogo houbo experimentación en estado puro, respostas a realidades explicables grazas á curiosidade científica.

Foi a decimonovena edición do Día da Ciencia na Rúa onde 40 centros educativos e entidades tiveron o seu propio posto nesta edición, o maior número ata o momento. E entre eles as Bibliotecas Municipais da Coruña que estiveron representadas como non a través do seu Club de Ciencia e Investigación.

No DCR os CCI´s tomaron o protagonismo e foron o eixo e centro das actividades que se desenrolaron. Amosaron o stand aos visitantes, os libros sobre natureza e aves que levamos como mostra e que os socios podian levar en préstamo, explicaron o proceso de anelamento das aves mediante o xogo “Non perdas os aneis” e déronlle un toque poético á jaima co “Laboratorio xerador de Haikus”.

Durante todo o día os CCI´s non pararon de recibir visitantes na jaima das Bibliotecas Municipais onde unha das cousas que máis gustou foi a “Guía de lectura” elaborada co material bibliográfico co que traballamos ao longo destes 4 meses no Club de Ciencia e Investigación e que este ano 2013-2014 estaba centrado na temática do naturalismo e máis concretamente nas aves.

Pero tamén houbo tempo para visitar o resto de jaimas. Un xardín botánico, ensinar a muxir unha vaca, ou a pescar unha moeda na auga sen mollarse foron algunhas das alternativas que máis chamaron a atención dos rapaces e rapazas do CCI, que tamén quixeron saber como funciona un submarino ou os circuítos electromagnéticos.

Outro feito destacable é que na jaima estivemos acompañados polos que foron os nosos compañeiros de aventuras este CCI 2013-2014, os membros do Grupo Naturalista Hábitat que trouxeron todo tipo de material, unha chea de documentos (libros, revistas, folletos, carteis), artiluxios que empregan nas súas saídas de campo e pequenos tesouros como ovos de paxaro, plumas, esqueletes e osos de animais que chamaron a atención dos visitantes máis curiosos.

 Sen dúbida foi un día de moito axetreo, unha chea de xente visitando a nosa jaima, entrevistas para a radio, a visita do alcalde, pero vendo as caras de satisfación dos CCI’s dan gañas de poñerse a organizar xa a próxima edición porque son este tipo de actividades ás que fan que os nenos e nenas se impliquen e estean motivados.

Este foi só un pequeno resumo do día grande do Club de Ciencia e Investigación das Bibliotecas Municipais, se queredes ver máis fotos visita a nosa galeria en Flickr

El pase de diapositivas requiere JavaScript.

10 de maio: XIX Edición do Día da Ciencia na Rúa

Xa non queda nada, estamos en vésperas da tan esperada cita para os membros do Club de Ciencia e Investigación (CCI) das Bibliotecas Municipais, o Día da Ciencia na Rúa (DCR) que coma tódolos anos dende o 1996 se ven celebrando o primeiro sábado do mes de maio no Parque de Santa Margarita por iniciativa da Asociación de Amigos da Casa das Ciencias.

Día da Ciencia na Rúa 2014

Cartel do Día da Ciencia na Rúa 2014

 No DCR os CCI´s toman o protagonismo e serán o eixo e centro das actividades que se desenrolen. Serán os que amosen o stand aos visitantes, os que saian nos videos promocionais da actividade, os que mostren os libros científicos que van estar no stand… e os que poñan en práctica todo o aprendido ao longo destes catro meses de CCI nos que, baixo o lema aCCIón ambiental, nos adentramos na temática naturalista e máis en concreto no mundo das aves.

 Nas sesións previas os CCI´s estiveron ultimando os detalles e poñendo todo a punto para que no DCR saia todo a pedir de boca.

Unha das sorpresas que temos preparada é un Laboratorio xerador de Haikus posto que teñen moita relación co tema tratado este ano no CCI, o naturalismo. Os haikus son composicións poéticas de orixe xaponesa que constan de tres versos, de 5, 7 e 5 sílabas, sen rima e a temática busca sempre describir os fenómenos naturais, o cambio das estacións, ou a vida cotiá da xente.

 

Co “Xogo dos pares” os CCI´s demostrarán que reúnen todas as cualidades para ser un bo naturalista.  E co xogo “Non perdas os aneis” explicarán e poñerán a proba aos asistentes no coñecemento do proceso de anelar aves, unha das saídas que se o tempo nolo permite poñerá o broche final a este CCI 2014.

E un dos platos fortes serán sen dúbida os roteiros que faremos polo Parque de Santa Margarita guiados polos nosos compañeiros e colaboradores deste ano no CCI, os membros do Grupo Naturalista Hábitat, onde os CCI’s facendo uso das súas capacidades observadoras irán sacando fotos coas que realizaremos un concurso final.

Lembrade que tanto os roteiros coma o resto de actividades están abertas a todo o público que queira participar. A cita, mañá sábado 10 de maio no Parque de Santa Margarita. Agardámosvos!