Buscar resultados para cci 2014

Inscrición ao programa CCI deste ano 2014

Boas CCI’s!!!

Hoxe comeza a inscrición para o CCI deste ano 2014 e acaba o martes 14 deste mesmo mes, un CCI que estará cheo de aventuras… Como xa saberedes, este ano o adicamos á Natureza e máis en concreto ás aves. Así que vade preparando os prismáticos, afiando os lapiceiros e agudizando os sentidos a curiosidade, e por suposto exercitando a paciencia, algo que sempre precisa un bo naturalista. Converterémonos en científicos de campo adicados á investigación e ao estudo da natureza e do medioambiente.

Se tedes curiosidade por todo o que imos facer, non tedes máis que botarlle un vistazo ao blog e ir descubrindo un pouco máis sobre que o que nos depara este ano para chegar a ser un bo naturalista.

Se tes entre 9 e 13 anos, non o dubides máis e cubre o seguinte formulario cos teus datos. Tamén podes achégarte ás Bibliotecas Municipais Infantil e Xuvenil, Forum Metropolitano e Ágora, nas que este club ten a súas sedes e apuntarte no mostrador ou chamando por teléfono.

Ágora Tel: 981189886
Forum Tel: 981184298
Infantil Tel: 981184388

XA NON QUEDAN PRAZAS PARA O CCI DE ESTE ANO!!!

Anuncios

LÚZete: 2ª sesión do CCI 2015

A pasada semana tivemos unha nova sesión do Club de Ciencia e Investigación (CCI) das Bibliotecas Municipais. Desta volta demos boa conta do uso e manexo de varias ferramentas tecnolóxicas.

Porque non queremos que os nosos investigadores e investigadoras perdan detalle de todo o que acontece durante as sesión. Queremos que estean a última de calquera novidade que se publique acerca do noso tema de investigación: a Luz e as enerxías derivadas da Luz.

 

Coñecemos e presentamos Pinterest unha nova rede social que está moi en auxe. Pinterest é a unión de dúas palabras, Pin máis Interest, que viría a traducirse como enganchar intereses, a gran diferenza desta rede social, é que é practicamente 100% visual.

Os investigadores e investigadoras utilizarán o Pinterest como ferramenta de visualización do CCI de cara a presentalo no dia grande o Dia da Ciencia na Rua (DCR).

 De xeito especial traballamos co Blog. O Blog oficial do programa, dende o que aquí escribimos será o noso principal medio de comunicación durante os días que non teñamos sesión: nel poderase consultar o calendario das sesións de todo o curso, repasar o que aprenderon en sesións anteriores cos post de resumo que imos subindo e descubrir noticias interesantes que vaiamos atopando e compartindo con eles relacionados coa luz.

 

O Blog de Traballo , da Biblioteca Infantil e da Biblioteca Forum é o sitio no que os pequenos investigadores e investigadoras poderán practicar: escribir os seus propios artigos e facer comentarios ás achegas dos seus compañeiros.

Para iso, recalcamos unhas nocións básicas, coas que aprenderon a:

  • Entrar no blog co seu usuario e contrasinal.
  • Crear unha nova entrada (distinguir entre o título e o corpo do post)
  • Engadir ao post imaxes, videos e hipervínculos
  • A importancia das categorías e as etiquetas

E logo da teoría pasamos á práctica. Axudados do material e dos libros que conforman  mostra permanente así coma da propia busca en internet e no Opac das bibliotecas os CCIS comezaron as súas primeiras pesquisas e investigacións sobre a materia. Os CCIS xa foron quen de publicar os seus primeiros traballos sobre a LUZ, as enerxías derivadas da Luz asi coma de posibles experimentos no seu propio blog de traballo. Isto só foi o comezo, de seguro que as súas publicacións darán moito que falar.

Animamosvos a que sigades os seus blogs de traballo e esteades atentos ao que se vai publicar!!

 

aLUZina: así foi a nosa primeira sesión do CCI 2015

A semana pasada demos comezo de xeito oficial ao CCI 2015. Realizamos a nosa primeira sesión tanto na Biblioteca Infantil coma na Biblioteca Forum Metropolitano.

ANO INTERNACIONAL LUZ

Como xa adiantabamos nun post anterior, este novo ano 2015, dende as Bibliotecas Municipais queremos sumarnos á Asemblea Anual da Organización das Nacións Unidas (ONU), que proclamou o 2015 como o Ano Internacional da Luz e as Tecnoloxías baseadas na Luz, e adicar o noso Club de Ciencia e Investigación a experimentar todo o que esté nas nosas mans sobre a materia.

Foi unha primeira sesión de presentación e de coñecemento xa que este ano contamos con moitas caras novas entre os membros do noso club, algo que nos alegra enormemente. Fixémoslles entrega das ferramentas fundamentais de todo bo investigador: carnés oficiais de investigadores, os cadernos de notas e os CCI Lotes, algo que para os veteranos xa era coñecido. Que ti ainda non sabes que son? Pois toma boa nota porque de seguro que che interesa:

-Un 3 x 1: tres documentos que contan coma un só préstamo.

A biblio nunha mochila: materiais relacionados coa  luz e as tecnoloxías baseadas na luz, a fotografía, a óptica, os faros, as sombras etc. En cada lote intentamos abarcar a variedade de materiais que temos na biblioteca (audiovisuais, libros de ficción, materias) e aportar novos datos que complementen as sesións e que os CCIs poidan desfrutar tranquilamente nas súas casas de xeito ameno e divertido.

-Duración do préstamo: 15 días, renovables por outros 15. En total 30 días!!

Sen dúbida os CCIs nunca deixan de sorprendernos, comprobamos que saben moito máis da luz do que eles mesmo pensaban. Algo que demostraron no breve repaso xeral de datos importantes relacionados coa Luz, coma por exemplo:

  • o descubrimento da electricidade estática no século II a.C. por Tales de Mileto,
  • a invención do teléfono por Alexander Graham Bell no 1876
  • a pila voltaica por Alessandro Volta no 1791
  • o descubrimento da corrente alterna por Nikola Tesla considerado o promotor máis importante do nacemento da electricidade comercial.

 Aproveitamos a ocasión para ver un adianto das sesións que nos esperan onde abordaremos a Luz dende o seu descubrimento ata ver como inflúe na vida moderna e trataremos de xeito particular o mundo dos faros. Por suposto non nos esquecemos das saídas, un dos grandes reclamos para os pequenos grandes investigadores. Este ano visitaremos o MUNCYT e a Torre de Hércules por dentro!!

A cousa promete, ¿non si? Por iso estade ben atentos e non perdades ollo do que aquí vos imos contar nas vindeiras sesións porque logo da teoria pasaremos a experimentar. Traballaremos a reo para que o noso día grande o Día da Ciencia na Rúa nos quede ben LUZido!!!

Aquí vos deixamos a galería fotográfica completa para que poidades ver como foi toda a sesión. Recordámosche que na Biblioteca Infantil ainda quedan prazas libres, só tes que cubrir o formulario para inscribirte e formar parte do noso club de ciencia das Bibliotecas Municipais.

Non queremos poñelo punto e aparte ata a vindeira sesión sen antes darvos un pequeno consello de investigador:

Abre ben os ollos, ponte mans á obra porque a ciencia comeza XA!!!

O CCI comeza de novo cheo de luz!!!

imaxe de publicidade do CCI 2015: Luz en aCCIón

Ola CCIs!!!

Votabádesnos de menos? Pois nós a vós si! E mostra diso é que durante todo este tempo sen novas estivemos traballando para, por fin, ofrecervos un novo CCI!

Este novo ano 2015, dende as Bibliotecas Municipais queremos sumarnos á Asemblea Anual da Organización das Nacións Unidas (ONU), que proclamou o 2015 como o Ano Internacional da Luz e as Tecnoloxías baseadas na Luz, e adicar o noso Club de Ciencia e Investigación a experimentar e ata descubrir os segredos que a luz agocha nas sombras.

Ide preparando os ollos, a imaxinación e toda a ciencia que teñades nos vosos miolos porque o 13 de xaneiro daremos comezo a un CCI cheo de raios, cores, ondas e ata de ilusións… ópticas!

Se tedes entre 9 e 13 anos, moita curiosidade e, sobre todo, ganas de retos, podedes inscribirvos a partir do luns 22 de decembro a través do formulario que sairá neste mesmo blog. Recordade que somos 2 bibliotecas e que deberedes escoller unha delas para participar no CCI:

Biblioteca Infantil e Xuvenil. Martes ás 18.30 h.

Biblioteca Fórum Metropolitano. Xoves ás 18.30 h.

E se xa non podedes esperar máis e tedes curiosidade polo que a luz pode, ou non, facer, deixámosvos unha mostra da “maxia” desta que ata poderedes comprobar na casa.

.: Máis información a través do noso facebook

Que comece o experimento!!!

“Científicas galegas en acción”

ciencia en accion“Ciencia en Acción” é unha iniciativa do Consello Superior de Investigacións Científicas, o Instituto de Ciencias Matemáticas, a Real Sociedade Española de Física, a Real Sociedaga Española de Química, a Sociedade Española de Bioquímica e Bioloxía Molecular, a Sociedade Xeolóxica de España e a Universidade Nacional de Educación a distancia. É un programa aproxima a ciencia e a tecnoloxía ao gran público dun xeito dinámico, doado e ameno.

cartel

Este ano celébrase a décimo quinta edición de “Ciencia en Acción” e terá lugar do 3 ao 5 de outubro en CosmoCaixa Barcelona e contará con presenza galega.

Unha web galega de mulleres científicas e investigadoras foi seleccionada. En busca da Igualdade, da Oficina para a Igualdade de Xénero da Universidade da Coruña é a  web en cuestión, elixida como un dos traballos gañadores nesta décimo quinta edición na modalidade de Ciencia, Enxeñaría e Valores.

Na páxina web recóllese a biografía e as obras dun bo número de mulleres que traballaron e traballan nos distintos eidos da ciencia, a cultura, a tecnoloxía ou as artes. A idea, informa a Oficina, xurdiu a partires da exposición Mulleres nas bibliotecas, organizada con motivo do Día Internacional das Mulleres.

Haberá que agardar a outubro para saber se finalmente a presenza galega chega á final europea.

Fotógrafos da Natureza 2014

Na sala Isabel Castelo do Aquarium Finisterrae  da Coruña acaba de abrir ao público a exposición Fotógrafos da Natureza 2014. Unha exposición onde se mostran as mellores fotografías do prestixioso concurso “Wildlife Photographer of the Year” e que estará dispoñible ata finais de setembro en horario de 10 da mañá a 9 da noite.

aquarium

Son as imaxes máis espectaculares dos mellores fotógrafos da natureza do mundo.

Fotografías que retratan momentos únicos da fauna submarina, as aves ou os mamíferos, pero tamén do mundo vexetal e a paisaxe. A mostra recolle tamén imaxes sobre o impacto da actividade humana no planeta e convida a reflexionar sobre a importancia de preservalo.

 Entre os 72 fotógrafos premiados, orixinarios de 18 países, encóntranse 13 españois.

O concurso European Wildlife Photographer of the Year iniciouse no ano 2000, promovido pola Asociación Alemá de Fotógrafos da Natureza (GDT nas súas siglas en alemán). Ten como obxectivo mostrar o extraordinario traballo dos fotógrafos da natureza europeos grazas ás extraordinarias imaxes que anualmente presentan. Pero tamén pretende promover o coñecemento da natureza e a súa conservación a través da fotografía.

Sen dúbida é un bo plan para disfrutar nestas vacacións. Asi que xa sabedes, CCI’s,  anotadeo na vosa axenda estival porque tedes ata o mes de setembro para visitala.

aCCIón conxunta I

Este sábado 14 de xuño, os e as CCI’s ao completo saímos ao campo a gozar dunha xornada de anelamento científico e observación de aves. Foi unha saída moi esperada, que tivemos que aprazar en varias ocasións polo mal tempo, pero a espera… mereceu a pena!!! 

A actividade desenvolveuse no contorno natural do encoro de Cecebre, mais concretamente, no Observatorio Ornitolóxico de Crendes, situado a carón da lámina de auga do encoro.

Estacion ornitoloxica de Crendes

Ao chegar, Berto e David -membros do Grupo Naturalista Hábitat e expertos aneladores- explicáronnos en que consiste iso do anelamento de aves, para que se fai e como. Os e as CCI’s prestaron especial atención á información que nos deron sobre o anelamento, apoiados por diversas guías de aves, e puidemos averiguar que:

O anelamento é un método de estudo das poblacións de aves que consiste na individualización destas mediante a colocación dun anel metálico na pata. Isto permítenos estudar os movementos e migracións das aves, taxa de mortalidade ou supervivencia, así como tamén o sexo e idade das aves aneladas.

Chega de explicacion

Unha vez feitas as explicacións sobre o anelamento científico de aves, dividímonos en dous grupos para visitar as redes de recollida de aves -previamente colocadas polos aneladores, así como tamén a mesa de traballo. Observamos como se recollen as aves que caeron nas redes e o coidado e habilidade que debe ter o persoal anelador neste momento. Os rapaces e rapazas estiveron moi atentos e amosaron especial ilusión por poder levar ás aves da zona das redes á mesa de traballo.

Recollida de paxaros nas aes

A continuación puidemos observar todo o proceso na mesa de traballo: como se pesan as aves, como identificar o sexo ou idade, como se recollen estos datos por escrito e como se coloca o anel. Despois procedemos a liberar as aves, os rapaces e rapazas tiveron a oportunidade de sentir o paxaro na man e abrila para deixar que emprenda o voo libremente. Unha experiencia marabillosa!!

Anelamento cientifico de aves

O día acompañou e tivemos a inmensa sorte de ver unha gran diversidade de aves:

Diferentes aves

Os e as CCI’s amosaron un gran interese durante toda a xornada e foron anotando nos seus cadernos de campo aqueles detalles que mais lles chamaron a atención.

Cadernos de campo

Rematada a actividade de anelamento e recollidas as redes, os rapaces e rapazas desfrutaron da observación de diversas aves a través de medios ópticos como prismáticos ou telescopios.

Observacion de aves

Unha xornada moi gratificante na que, ademais de ver o proceso de anelamento científico de aves, desfrutamos do campo e da riqueza en biodiversidade presente no encoro de Cecebre. Dende aquí, o noso agradecemento aos membros do Grupo Naturalista Hábitat que nos acompañaron e guiaron durante toda a xornada!

GNH

Membros do Grupo Naturalista Hábitat

Foto de grupo

Foto do grupo á chegada a Forum

Día de la Tierra 2014

Earth Day

Hoy celebramos un día muy importante y para nosotros los CCI´s aún lo es más, hoy es el Día de la Tierra. Un día que se celebra en muchos países.
Su promotor fue el senador y activista ambiental Gaylord Nelson que instauró este día para crear una conciencia común a los problemas de contaminación, superpoblación, conservación de la biodiversidad y todo ello para proteger la Tierra

Todos los años este día trata un tema, este año 2014 el tema escogido fue “CIUDADES VERDES”.

Este año, el Día de la Madre Tierra se centró en las ciudades verdes, con el objetivo de movilizar a millones de personas para lograr un medio ambiente saludable y sostenible. En la actualidad, más de la mitad de la población mundial vive en las ciudades. A medida que la población urbana crece y los efectos del cambio climático empeoran, nuestras ciudades deben evolucionar.

Es hora de que invirtamos en energías renovables y en eficiencia energética, reconstruyamos nuestras ciudades y empecemos a resolver el problema del cambio climático. La campaña «Ciudades verdes» pretende generar un movimiento a nivel mundial durante los próximos dos años para acelerar esta transición. Únete a la campaña para pedir una nueva era de ciudades verdes.

«Hago un llamamiento a que todas las personas del mundo alcen su voz y hablen en nombre de este planeta, nuestro único hogar. Cuidemos de la Madre Tierra para que esta pueda seguir cuidando de nosotros como lo ha hecho durante milenios»

Mensaje del Secretario General de las Naciones Unidas, Ban Ki-moon

Y en un día como hoy día Google no podía dejar de sorprendernos con un nuevo y simpático Doodle.

Como ya sabréis las Bibliotecas Municipales de A Coruña llevamos tiempo implicándonos en el Desarrollo Sostenible para conseguir un mundo mejor y por ello nació la BIBLIOTECA VERDE, con la intención de ofrecer información y recursos sobre naturaleza, ecología, medio ambiente y desarrollo sostenible.

BIBLIOTECA VERDE

Los temas que trataremos este año son: 

.: 30 de Enero 2014 (19:00. Biblioteca Os Rosales): Permacultura y Desarrollo Sostenible

.: 27 de Febrero 2014 (19:00. Biblioteca Ágora): Entendes a túa factura da luz? Alternativas na xestión enerxética

.: 26 de Marzo 2014 (19:00. Biblioteca Infantil y Juvenil). Mesa de experiencias: iniciativas creativas de autoempleo en tiempos de crisis

.: 24 de Abril 2014 (19:00. Biblioteca Monte Alto). Alimentación consciente y soberanía alimentaria

.: 28 de Mayo 2014 (19:00. Biblioteca Castrillón). ¿Cómo te mueves?

.: 29 de Octubre 2014 (19:00. Biblioteca Forum Metropolitano). Banca ética, la otra economía

.: 27 de Noviembre 2014 (19:00. Biblioteca Sagrada Familia). Bioconstrucción


Y nosotros CCI´s tenemos un papel muy importante en hacer que este mundo, nuestro mundo sea cada día un poco mejor, así que MANOS A LA TIERRA… entre todos podemos!!!

aCCión conxunta II

Este sábado fixemos a nosa primeira sáida do CCI deste ano 2014 e tivemos a grandísima sorte de que nos fixo un día precioso e perfecto para Observar toda a fauna e flora que nos rodeaba.
Un roteiro naturalista polas inmediacións dun dos monumentos máis importantes da nosa cidade, “A Torre de Hércules“.

Neste roteiro puidemos descubrir sen saír da nosa cidade moitas especies tanto de aves coma de flores e mesmo pequenos animais das que xa falaramos en sesións anteriores e que xa tiñamos recollidas nos nosos cadernos de campo, os cales nesta saída axudáronnos moito a identificar a eses animais e sobretodo a anotar as novas especies e descubrimentos que íamos facendo seguindo as indicacións que nos daban Andrés e Atocha, dous expertos naturalistas que forman parte do Grupo Naturalista Hábitat.

Durante o noso percorrido empregamos todos os instrumentos que levamos cada un de nós, prismáticos, cámaras de fotos, móviles e mesmo os telescopios que nos deixaron os compoñentes do Grupo Hábitat. Foi incrible poder ver algunhas aves que voaban a centos de metros de nós coma si estiveran ao noso carón.

Tamén puidemos ver diferentes flores que se reproducen e medran na contorna da Torre de Hércules. As que máis nos chamaron a atención foron a “Carpobrotus edulis” tamén chamada “Uña de gato” e a “Silene latifolia” máis coñecida como “Cabaciña” pola súa semellanza cunha cabaza.
Da “Carpobrotus edulis“, aprendemos que é unha planta invasora procedente de Sudáfrica. Desplaza ás autóctonas ata que as fai desaparecer xa que medra sobre elas, ocúltaas e quitalles os nutrintes e a luz ata que morren.
E da “Silene latifolia“, soupemos que é unha pranta de talos ocos e robustos que poden chegar a medir os 80 ou 100 cm de altura.

Ademáis de flores e prantas atopamos varias especies de gaivotas que estivemos observando para coñecer as diferenzas entre unhas e outras xa que para nós todas eran iguais ata que as puidemos ver xuntas e distinguilas, atopamos lagartos e nas pequenas charcas que se forman de xeito natural puidemos descubrir as ovas de rá.

Todo este percorrido fixémolo ca axuda das guías de aves e prantas que temos nas Bibliotecas Municipais da Coruña e que tanto Atocha como Andrés nos ensinaron como manexar durante todas as sesións do CCI deste ano.

A verdade é que foi unha saída na que puxemos en práctica todo o aprendido durante o CCI deste ano, empregamos os nosos cadernos de campo, todos os aparellos cun bo naturalista debe saber manexar, as guías de aves e prantas e todo iso memos foi grabado pola Televisión de Galicia e ata saímos no periódico “El Ideal Gallego”. O noso club foi famoso por un día!!!

O CCI no periódico "El Ideal Gallego"

O CCI no periódico “El Ideal Gallego”

 

Se queredes ver máis fotos deste día non tedes máis que visitar o noso álbum do CCI en Flickr.

El pase de diapositivas requiere JavaScript.

A andoriña común, ave do ano 2014

A Sociedade Española de OrnitoloxíaSEO/BirdLife– elixiu hai uns días á andoriña común como ave do ano 2014 para alertar da difícil situación na que se atopa. Factores como os cambios no medio rural e nas políticas e técnicas agrarias inflúen notablemente na poboación de andoriñas, que segundo os datos extraídos do seguemento de aves que realiza a organización, descendeu nun 30% na última década.

Andoriña común

Campaña #AveDelAño 2014, andoriña común. Foto: SEO/BirdLife

A andoriña común -Hirundo rustica linnaeus- é unha ave migratoria da familia dos Hirundínidos. Ten as partes superiores negras azuladas e brancas as inferiores, agás un colar negro e a fronte e gorxa que son rubias. Un peteiro curto e negro, así como tamén o son as súas patas. Aínda que ambos sexos son moi semellantes, as femias posúen unha coloración máis apagada, co ventre un chisco máis claro e a cola máis curta.

Andoriña común

Debuxo dunha andoriña común. Tomado de SEO/BirdLife

A súa área de distribución é moi ampla, dende o Círculo Polar ata México, Sudán, China ou Vietnam. É estival en toda Europa e pasa os invernos en África. En Galicia é estival de febreiro a outubro e común en todo o territorio, sendo a máis abondosa dos hirundínidos.

Pola súa proximidade ao ser humano, forman parte da nosa cultura popular e a súa chegada, considérase anuncio da primavera.

Algún exemplo de refrán relacionado co tempo e coas andoriñas…

Anduriña moi adiantada, primaveira ben temprada

Andoriña que voa a rentes da terra chuvia venta

Andoriña que alta voa, non teme que chova

Se vos apetece seguir indagando sobre as nosas amigas as andoriñas, animámosvos a que consultedes algunha das guías de aves que temos nas Bibliotecas Municipais da Coruña e a que vexades este vídeo tan bonito realizado por SEO/BirdLife.